Biryńǵaı jınaqtaýshy zeınetaqy qory Qazaqstandaǵy eń joǵary zeınetaqy mólsherin jarııalady, dep jazady Egemen.kz.
Biryńǵaı jınaqtaýshy zeınetaqy qorynda bir jyldaǵy aı saıynǵy tólemniń eń joǵary somasy 200 myńǵa kóterilip, 945 752 teńgeni qurady.
«BJZQ-dan keste boıynsha ortasha aılyq tólem somasy (zeınetkerlik jasqa tolýyna baılanysty) 34 075 teńgeni, al aı saıynǵy tólemniń eń joǵary somasy - 945 752 teńgeni qurady. Esterińizge sala keteıik, ótken jyldyń osy kezeńinde BJZQ-dan keste boıynsha aı saıynǵy tólemniń ortasha somasy 32 065 teńgeni, al aı saıynǵy tólemniń eń joǵary somasy 742 692 teńgeni quraǵan edi», delingen habarlamada.
Aıta ketsek, jyl basynan beri respýblıkalyq bıýdjetten 616,3 mlrd teńgege zeınetaqy tólendi, onyń ishinde bazalyq zeınetaqy tóleýge – 193,8 mlrd teńge, yntymaqty zeınetaqy tóleýge – 422,5 mlrd teńge jumsaldy.
2024 jylǵy 1 naýryzdaǵy jaǵdaı boıynsha eldegi zeınetkerler sany – 2 mln 354 myń adam.
2024 jylǵy 1 naýryzdaǵy jaǵdaı boıynsha jıyntyq zeınetaqynyń ortasha mólsheri 132 852 teńgeni qurady, onyń ishinde yntymaqty zeınetaqy mólsheri – 90 091 teńge, bazalyq zeınetaqy – 42 761 teńge.