Elimizde jylý energetıkasy týraly alǵash ret jeke zań ázirlendi. Búgin, 3 sáýir kúni Májilis «Jylý energetıkasy týraly» zań jobasy jáne oǵan ilespe túzetýlerdi maquldady, dep jazady Egemen.kz.
«Májilis «Jylý energetıkasy týraly» zań jobasy jáne oǵan ilespe jylý energetıkasy men elektr energetıkasy máseleleri boıynsha zań aktilerine túzetýler engizý týraly jáne Ákimshilik quqyq buzýshylyq Kodeksine tolyqtyrýlar men ózgerister engizý týraly zań jobalaryn birinshi oqylymda maquldady. Elimizde jylý energetıkasy salasyndaǵy jeke zań alǵash ret ázirlenip otyr», dep jazdy Májilistiń baspasóz qyzmeti.
Maquldanǵan zań jobasy jylý energetıkasy men jylýmen jabdyqtaý salasyndaǵy qatynastardyń barlyq jıyntyǵyn retteý úshin tolyqqandy quqyqtyq negiz belgileýge baǵyttalǵan.
Osy túzetýler aıasynda Kásipkerlik kodeksine, «Elektr energetıkasy týraly», «Energııa únemdeý jáne energııa tıimdiligin arttyrý týraly», «Tabıǵı monopolııalar týraly», «Jańartylatyn energııa kózderin paıdalanýdy qoldaý týraly» zańdarǵa ózgerister men tolyqtyrýlar engiziledi.