Oqý-aǵartý mınıstri Ǵanı Beısembaev óńirlik bilim basqarmalary basshylary qatysýymen ótken apparattyq keńeste sý tasqynynan zardap shekken aımaqtardaǵy balalardy elimizdegi eń úzdik jazǵy saýyqtyrý ortalyqtaryna jiberýdi tapsyrdy, dep habarlaıdy Egemen.kz atalǵan vedomstonyń baspasóz qyzmetine silteme jasap.
Mınıstr oqý prosesin sapaly uıymdastyra otyryp, balalar qaýipsizdigin jáne quqyqtaryn qorǵaýǵa erekshe nazar aýdarý qajet ekenin atap ótti. Balalardyń quqyqtaryn qorǵaý komıtetine eń aldymen kómekke muqtaj otbasylardaǵy oqýshylardyń jazǵy demalysyn uıymdastyrý tapsyryldy.
Aıta ketsek, elimizdegi jyl boıy jumys isteıtin 11 saýyqtyrý ortalyǵy 6-sáýirden bastap oqý prosesin uıymdastyra otyryp, balalardy qabyldaýǵa daıyn. Oqýshylardy tasymaldaý úshin mınıstrlik qaýipsizdik jónindegi nusqaýlyq pen vedomstvoaralyq is-qımyl algorıtmin ázirledi.
Apparattyq keńes barysynda mınıstr tasqyn saldarynan qıyn jaǵdaıǵa tap bolǵan pedagogterdi qoldaý máselesine de toqtalyp, sý tasqynyna qarsy is-sharalarǵa qatysqan áriptesterine shynaıy patrıotızmi úshin alǵys bildirdi.