Búgin Atyraý munaı óńdeý zaýytyndaǵy jeliniń birinen qara tútin býdaqtady, dep habarlaıdy Egemen.kz.
«AMО́Z» JShS qoǵammen baılanys bóliminiń aqparatyna qaraǵanda, tútin búgin, 3 sáýirde saǵat 13:58-de shyqqan.
«Zaýyttaǵy kondısııaǵa sáıkes emes munaı ónimderin qabyldaý jelisinen tútin shyqty. Saǵat 14:03-te tútin tolyqtaı joıyldy. Munyń zaýyttaǵy tehnologııalyq nysandardyń jumysyna áseri tıgen joq», dep habarlady zaýyttyń qoǵammen baılanys bólimi.
О́nim qabyldaý jelisindegi tútinniń shyǵýyna ne sebep bolǵany belgisiz. Qazir oqıǵanyń sebebin anyqtaý bastaldy.