«Turkic Metaverse» tujyrymdamasy

Metaǵalam – sıfrlyq álem­de taraǵan ujymdyq vırtýal­dy keńistik. Bul kádimgi vır­týaldy álemnen áldeqaıda asyp túsedi. О́mirde kórinis tapqan bul tujyrymdama sıfrlyq álemmen árekettesý joldaryn ózgertýge múmkindik beredi.

«Turkic Metaverse» joba­sy – túrkitildes elderdiń máde­nıetin, tarıhyn jáne sáýletin beıneleıtin vırtýaldy keńis­tik qurýǵa baǵyttalǵan. Muny qoldanýshylar aımaqtyń baı murasymen tanysyp, túrki el­deri arasyndaǵy tutastyqty ny­ǵaıtady», dedi «Astana Hub» basqarýshy dırektory Tańat О́skembaev.

Konferensııaǵa Túrki mem­leketteri uıymy hatshylyǵy men oǵan múshe elder tehnopark­teriniń, sonyń ishinde «Astana Hub» (Qazaqstan), «Bilkent Cyberpark» (Túrkııa), «High Technology Park» (Qyrǵyzstan) jáne «Sabah Hub» (Ázerbaı­jan) ókilderi qatysty. Olar paneldik sessııada «Turkic Me­ta­verse» jobasynyń áleýetin, metaǵalamdy dıalog pen ynty­maqtastyq qurý jáne bilim almasý alańy retinde paıdalanýdy talqylady.

Sondaı-aq konferensııaǵa qa­tysýshylar startaptar men teh­­noparkter usynǵan ınnova­sııalyq sheshimdermen tany­syp, olardyń ókilderi­men til­desý­ge múmkindik aldy. Ási­rese qo­naq­tar almatylyq 3D-sýretshi Farhad Nyǵmatýl­lın jasaǵan kıiz úıge erekshe na­zar aýdardy. Munda mádenı mu­rany saqtaý men taratýda­ǵy metaǵalam­nyń múmkindigi beınelengen. Sýretshiler­diń óz jumystarymen bólisýge de­gen qyzyǵýshylyǵy metaǵalam­nyń óner men sıfrlyq ınno­va­sııalardy biriktirýde tamasha platforma bola alatynyn dáleldeıdi.

«Turkic Metaverse» jobasy paı­dalanýshylarǵa ózara qa­rym-qatynas ornatý men oqý táji­rıbesin usynatyn ınteraktıvti 3D-ǵalam – «Vargates» platformasynda ornalasqan. «Vargates» ınteraktıvti 3D-ortada kezdesýge, bilim almasýǵa jáne bire­geı kontent jasaýǵa múmkindik týǵyzady.

«Bizdiń maqsatymyz – adam­darǵa ınteraktıvti 3D-ortada óz bilimderimen bólisýge múmkin­dik beretin ashyq standarttar­ǵa negizdelgen keńistik qurý», deıdi «DreamLight» dırektory Aleksandr Mazýrenko.

«Vargates» platformasyn silteme arqyly ornatyp, «1st OTS Conference» lokasııasyn tańdaý arqyly onyń ornalas­qan jerin, tehnoparkterdi jáne startaptardy kórip, jaqyn tanysý­ǵa bolady.