«Qarmet» kompanııasynyń barlyq kómir shahtasynda óndiris úderisterin naqty ýaqyt rejiminde baqylaýǵa múmkindik beretin DMMS sıfrlyq platformasy ornatylady. Bul Memleket basshysynyń ekonomıkany ártaraptandyrý baǵytynda barlyq júıeni sıfrlandyrý kerek degen tapsyrmasymen úılesedi.
Jańa sıfrlyq platforma arqyly shahtalarda qyzmetkerler men tehnıkanyń qozǵalysyna monıtorıng júrgiziledi, qaýipti aımaqtardaǵy kenshilerdiń ornalasqan jerin qadaǵalaıdy, adamdardyń qulaý nemese qozǵalmaý jaǵdaılaryn anyqtaıdy, gaz datchıkterin baqylaıdy. Sonymen birge seısmomonıtorıng júrgizý jáne barlyq shahtanyń ortalyq dıspetcherlik júıesin basqarý, onyń ishinde dıspetchermen jedel baılanysý qarastyrylady.
Kompanııa 15 sáýirden barlyq shahtada jańa sıfrlyq platformany, sondaı-aq taý-ken basqarmasynda biregeı ortalyq dıspetcherlik pýnktti engizýdi bastaıdy. Jumystardy «Qarmet» kompanııasy ónerkásiptik qaýipsizdikti uıymdastyrý jónindegi ınvestısııalyq mindettemeler sheńberinde josparlap otyr. Jumystar bıyl aıaqtalady dep kútiledi.
Sıfrlyq platformany jetkizýshi – otandyq «AG TESN» kompanııasy. Júıe qazirdiń ózinde álem boıynsha 800 shahtada qoldanylady. Elimiz boıynsha 30 shahtada qoldanysta. DMMS elimizdiń ónerkásiptik qaýipsizdik tujyrymdamasyna engizilgen jáne júıeni Tótenshe jaǵdaılar mınıstrligi maquldaǵan.
Búginde pozısııalaý júıesi Qarmet kómir departamentiniń segiz shahtasynyń ekeýinde ornatylǵan.
Qaraǵandy oblysy