14 sáýirde «Qazgıdromet» RMK-nyń baspasóz hatshysy Alına Ismaǵulova sý tasqynynyń ekinshi tolqyny úsh óńirde, atap aıtqanda, Soltústik Qazaqstan oblysy, Batys Qazaqstan oblysy jáne Atyraý oblysynda kútiletinin aıtty, dep habarlaıdy Egemen.kz.
Onyń aıtýynsha, Soltústik Qazaqstan oblysynyń aýmaǵynda, Batys Qazaqstan oblysynyń aýmaǵynda, Atyraý oblysynyń aýmaǵynda sý tasqynynyń ekinshi tolqynynyń júrý qaýpi bar.
«Shyǵys Qazaqstan oblysynyń aýmaǵynda ornalasqan taýly ózenderde sý tasqyny kezeńi jazyq ózenderden keıin ótedi. Qazirgi ýaqytta Aqmola oblysynyń aýmaǵynda Esil ózeniniń keıbir salalarynda sý tasqyny shyńdary ótip jatyr, bul Esil ózeninde sý deńgeıiniń qaıta kóterilýine sebep bolýy múmkin. Sondaı-aq, sý deńgeıiniń kóterilýi Nura ózeniniń tómengi aǵysynda jalǵasýda», dedi A. Ismaǵulova.