Atyraý áýejaıynda sheteldikten 90 myń dollar tárkilendi, dep habarlaıdy Egemen.kz QR Qarjy mınıstrligine qarasty Memlekettik kirister komıtetine silteme jasap.
Osy jyldyń aqpan aıynda Atyraý-Kýtaısı baǵytynda halyqaralyq reıske otyrǵyzý kezinde Grýzııa azamatynan 100 myń dollar (45 mln 7 myń 820 teńge) kóleminde qolma-qol aqsha tabylǵany habarlandy.
«О́zge el azamatynyń qol júginde 10 myń dollar bolsa, qalǵan 90 myń dollar bagajynda jasyrylǵan. «Áýejaı-Atyraý» keden beketiniń qyzmetkerleri Atyraý oblysy boıynsha shekara qyzmeti jáne ekonomıkalyq tergeý basqarmalarynyń qyzmetkerlerimen birlesip, baqylaý júrgizý barysynda quqyq buzýshynyń bagajynan jasyryn aqshany tárkiledi», dep málimdedi Memlekettik kirister komıteti.
Endi tártip buzýshy ákimshilik jaýapkershilikke tartylyp, 40 AEK kóleminde ákimshilik aıyppul tóleıdi. Shetel azamatynan 90 myń dollar memleket paıdanysyna tárkilenip, qalǵan 10 myń dollar Grýzııa azamatyna qaıtaryldy.
Qyrmyzy JUMAǴALIQYZY,
EUÝ stýdenti