QR Aýyl sharýashylyǵy mınıstrliginiń málimetinshe, sý tasqynynan zardap shekken aımaqtardan 112,5 myń bas aýyl sharýashylyǵy janýarlary evakýasııalandy, dep habarlaıdy Egemen.kz.
Mınıstrlik sý tasqyny saldarynan qyrylǵan aýyl sharýashylyǵy jaýnarlary úshin ótemaqy tólenetinin eske saldy. Eń aldymen, ıelik etý faktisi janýardyń sáıkestendirý belgisimen (japsyrma, marka jáne t.b.) anyqtalady. Tirkeý bolmaǵan jaǵdaıda, kýálardy tarta otyryp, zalaldy óteý jónindegi komıssııanyń aktisimen júzege asyrylady.
Menshik ıeleri jergilikti zııandy óteý komıssııalaryna habarlasýy kerek. Komıssııa múshelerine ótemaqy tóleýge qajetti qujattar tapsyrylady.
«Barlyq ótinishter tek jergilikti ákimdikter janynan qurylǵan resmı komıssııalarǵa berilýi tıis ekenin eskerińiz. Tek osy jaǵdaıda ǵana ótemaqy tólenedi», dedi OKQ brıfınginde Aýyl sharýashylyǵy mınıstrliginiń resmı ókili Oljas Tilebaldın.