Qyzylorda oblysy men Baıqońyr qalasy boıynsha UQK departamenti prokýratýra organdarynyń úılestirýimen esirtki zattaryn jetkizýdiń óńirlik arnasyn joıdy, dep habarlaıdy Egemen.kz.
«2024 jyldyń naýryz aıynda Qyzylorda qalasynda 3,5 kg apıyn satýǵa árkettengen Qazaqstannyń 5 azamaty ustalǵan edi. Qosymsha is-sharalar barysynda zańsyz sora ósirý jónindegi astyrtyn zerthana tabyldy. Sottyń sanksııasymen ustalǵan adamdarǵa kúzetpen ustaý túrindegi bultartpaý sharasy qoldanyldy», delingen vedomstvonyń baspasóz qyzmeti taratqan habarlamada.
Qylmystyq kodekstiń 300-babynyń 2-bóligi jáne 297-babynyń 3-bóligi boıynsha sotqa deıingi tergeý amaldary júrgizilip jatyr. О́zge aqparat jarııalanýǵa jatpaıdy.