Ǵalam ǵajaptary: 6G – alysta emes

Kompanııa 2025 jyly 6G ornatý synaqtaryn erte bastamaq. Negizinen tehno­logııany kommersııalyq iske qosý 2030 jylǵa josparlanǵan bolatyn. Qytaı «Unicom» top-menedjeriniń baǵa­laýy boıynsha, olar – 5G tehnologııasyn qoldanýda kóshbasshylyqqa ótken. Qy­taıdyń ónerkásip jáne aqparattyq tehno­logııalar mınıstri Djın Chjýanlýn eldegi smartfondar naryǵy álemdegi eń iri naryqqa jatatynyn, bul 6G-diń damýy­na yqpal etetinin aıtqan edi. Degenmen 6G-diń paıda bolýy adamzatqa zııan tıgizýi múmkin. Qytaı ǵalymdary teragers tolqyndarynyń sáýlelenýi mı jasý­shalarynyń kóleminiń ulǵaıýyna ákeledi dep qorqyp ta otyr. Sarapshylar yq­tımal qaýiptiń aldyn alý úshin 6G áserin odan ári zertteý kerek ekenin túsindirdi.

Aıdyń da ýaqyty bar

Ýaqyt uǵymy jerdegilerge ǵana tán edi. Al «NASA» aıdyń ýaqyt júıe­sin jasamaq. Aıdyń da óz ýa­qyty bar endi...

NASA aıdyń ózindik ýaqyt júıesin qurýdy josparlady. Bul týraly bas­pasóz habarlamasynda aıtty. Se­bebi Aq úı «NASA-ǵa» jáne AQSh-tyń bas­qa uıymdaryna Halyqaralyq ǵa­rysh agenttikterimen birigip, aıdyń ýa­qyt júıesin oılap tabýdy tapsyrdy. Ma­mandar tereń zertteý júrgizip, 2026 jyldyń sońyna deıin saqadaı-saı qylýy kerek. Aıdyń aýyrlyq kúshi Jerge qaraǵanda az bolǵandyqtan, onyń betinde turǵan atomdyq saǵattar jer saǵat­tarymen salystyrǵanda 58,7 mıkro­sekýndqa alǵa jyljıdy. Qazirgi ýa­qytta bul aıyrmashylyq baılanys jáne basqa júıeler úshin óte mańyzdy bolýy múmkin.

Kúızelisti anyqtaıtyn saqına

AQSh-ta kúızelis deń­geıin uıqy kezinde aqyldy saqınamen anyq­taýǵa bolady.

Vermont ýnıversıtetiniń ǵalymdary uıqy kezinde adam aǵzasy kúızelis deńgeıin anyqtaýǵa bolatyn kóptegen sıgnaldar beretinin bildi. Sarapshylar ózderiniń gıpozetterin zertteýge qatysýshylarǵa taratqan aqyldy saqınalar arqyly rastady. Materıal uıqy sapasy men stress deńgeıi arasyndaǵy baılanysty kór­setedi. Ǵalymdardyń aıtýynsha, úderis júrýi úshin adam 8-9 saǵat uıyq­taý kerek. Saqına júrek soǵysynyń jıiligi týraly derekterdi jınaıdy. Soǵý jıiligi qalyptaǵydan joǵary bolǵan saıyn kúızelis deńgeıi 3,6 paıyzǵa ósedi. Solaı júrek dertteri men kúızelis der kezinde anyqtalyp, aldyn alýǵa bolady.