«Qazgıdromet» RMK 2024 jyldyń mamyr aıyna arnalǵan aýa raıy boljamyn bólisti, dep habarlaıdy Egemen.kz.
Resmı habarlamada mamyr aıynda jazǵy atmosferalyq prosesterge kóshý júzege asyrylatyny aıtylǵan.
«Ońtústik aımaqtarda aıdyń birinshi jartysynda, al soltústik aımaqtarda aıdyń sońyna karaı turaqsyz aýa raıy saqtalyp, jańbyr jaýady, burshaq túsip, jel soǵady dep kútiledi. Aıdyń basym bóliginde synap baǵany joǵarylaıdy. Tıisinshe, mamyr aıy ystyq bolady», delingen «Qazgıdromet» RMK habarlamasynda.
Máselen, respýblıkamyzdyń soltústik jartysynda kúndiz temperatýra +25...+35°C deıin, ońtústik bóliginde +30...+40°C deıin ysýy múmkin.
Sýyq tolqyndar áserinen aýa temperatýrasy kelesi aımaqtarda tómendeıdi dep kútiledi:
Soltústik, shyǵys jáne ortalyq aımaqtarda, sondaı-aq elimizdiń ońtústik-shyǵysyndaǵy taýly aımaqtarda túnde aýa temperatýrasy: -5...+5°C, kúndiz: +10...+15°C. Elimizdiń batysynda jáne ońtústik bóliginde aýa temperatýrasy túnde: +5...+15°C deıin, kúndiz +16...+26°C.
«Mamyr aıynda respýblıkamyzdyń basym bóliginde ortasha aılyq aýa temperatýrasy normadan 1-2° joǵary, batys aımaqtarda norma shamasynda bolady dep kútiledi», delingen sınoptıkter boljamynda.