Tótenshe jaǵdaılar mınıstrliginiń ókili Asqar Shárip Ortalyq komýnıkasııalar qyzmeti alańynda ótkizilgen brıfıngte Batys Qazaqstan jáne Atyraý oblystarynda Jaıyq ózeninde týyndaıtyn sý tasqynynyń ekinshi tolqyny erekshe baqylaýǵa alynǵanyn aıtty, dep habarlaıdy Egemen.kz.
Onyń aıtýynsha BQO-nda 81 523 qapshyq jáne 2 770 tonna ınertti materıal tóseldi, bógetterdiń irgesin kóterý jáne nyǵaıtý jumystary jalǵasyp jatyr. Atyraý oblysynda 824 myń qapshyq jáne 2 700 tonna ınertti materıal tóselgen, 4 424 km bóget turǵyzylyp, irgeleri nyǵaıtylyp otyr. «Jaıyq ózeniniń sý deńgeıine monıtorıng jalǵasyp jatyr, azamattardy qulaqtandyrý jáne teleradıo arqyly habarlandyrý ár 4 saǵat saıyn júrgiziledi», dedi spıker.
22 734 adam óz úılerine oralǵan eken. Al, ýaqytsha panalaý beketterinde – 8 809 adam, onyń ishinde 3 828 bala.
4 536 turǵyn úı jáne 2 767 aýla aýmaǵynan sýdyń baǵyty buryldy.
11,2 mln astam tekshe metr erigen qar sýy shyǵarylyp, 4,6 mln qapshyq jáne 1,4 mln astam tonna ınertti materıal tóseldi.
Avarııalyq-qutqarý jáne tasqynǵa qarsy jumystarǵa 36 484 adam, 5 083 tehnıka, 888 sý alý quraly, 381 júzý quraly, 16 áýe kemesi jumyldyrylyp otyr.