«Din máseleleri boıynsha bilikti mamandar daıarlaý» jobasy aıasynda Túrkistan oblysynda aqparattyq-túsindirý toptarynyń múshelerine arnalǵan oqytý semınarlary men trenıngter ótti, dep jazady Egemen.kz.
2024 jyldyń 16-17 sáýirinde Qoja Ahmet Iаsaýı atyndaǵy halyqaralyq qazaq-túrik ýnıversıteti mádenıet ortalyǵynyń májilis zalynda QR Mádenıet jáne aqparat mınıstrliginiń Din isteri komıtetiniń qoldaýymen «Rýhanı jańǵyrý» qoǵamdyq qorynyń uıymdastyrýymen din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», meshitterdiń, orta jáne joǵary oqý oryndarynyń mamandary, ımamdary, psıhologtary men teologtary qatysty. Jıynda din máseleleri boıynsha túsindirý tobynyń músheleri – Zań ǵylymdarynyń professory. QR terrorızm jáne ekstremızm máselelerin zertteý ortalyǵynyń QQ basshysy Kákimjan Bıshmanov jáne teatr pedagogy, kórkemsóz oqý sheberi, joǵary kategorııaly kásibı dıktor Murat Abzelbaev dáris oqydy.
Kákimjan Bıshmanov «Qazaqstannyń din týraly zańnamasy. Zaıyrlylyq – memlekettik júıeniń jáne ulttyq qaýipsizdik týraly tuǵyry, dinı senim bostandyǵy týraly túsinik» taqyrybynda jahandyq jaǵdaıdaǵy terrorızm men dinı ekstremızmge qarsy kúrestiń quqyqtyq negizderin toqtala otyryp, kelesi kezekte «Zaıyrlylyq jáne zaıyrlylyq memleket uǵymy, úni, sıpaty, máni. Zaıyrlylyq jáne dinı zaıyrlylyq etıka negizderi» taqyrybynda din salasyndaǵy memlekettik saıasattyń negizgi baǵyttaryn, prınsıpterin túsindirdi.
Murat Abzelbaev «Til tehnıkasy. Sóz áreketiniń elementteri. Oratorlyq ónerdiń negizderi» taqyrybynda sóıleý tehnıkasyn meńgerýdiń tıimdi joldaryn atap ótip, durys tynys alýdy, únniń qulaqqa jaǵymdy, sózdiń, býynnyń ashyq, aıqyn bolýyna septigin tıgizetin tásilderin bólisti.
Sonymen qatar oqytý barysynda qatysýshylar tarapynan dáriskerlerge suraqtar qoıylyp, mándi jaýaptar alyndy.