Ǵalam ǵajaptary: Kıborg-qońyz

Kıborg-qońyzdary qashyqtan be­rilgen buıryqtarǵa baǵynyp, qımyldap, tipti usha alady. Munyń bir mysaly re­tinde «DARPA» ǵylymı-zertteý agent­ti­giniń robot-jándikterin aıta alamyz. Eń alǵashqy tájirıbede zertteýshiler mınıatıýralyq shemalar quryp, olardy qońyzdarǵa qosyp, bos jiberdi. Im­pýlster aıaqtardyń, qanattardyń,tómengi jaq súıekteriniń qozǵalysyna jaýap berdi. Jaryq dıodty jolaqtyń kómegimen olar qozǵalys baǵytyn anyqtaı aldy. Ǵalymdardyń aıtýy boıynsha, bul qońyz­dyń kishkentaıy – 2-2,5 sm. Ony tabıǵı apat oryndaryndaǵy usaq júıeler men ózge de nysandarǵa jiberýge bolady.

Seıbl araly

Ǵalamda qupııa kóp. Tabıǵat jasy­rynbaq oınaýǵa qushtar. Atlant muhıtyndaǵy Seıbl araly – sonyń dáleli.

Sebebi araldyń uzyndyǵy – 42 km, eni nebári – 1,5 km. Araldyń kez kelgen núk­tesinen muhıttyń eki jaǵyn da kórýge bo­lady. Qumdy mekende 1 800 jyldan beri 350-den asa keme sýǵa batyp, qansha adam izim-ǵaıym joǵalǵan. Araldyń ataýy aǵyl­shyn tilinen aýdarǵanda «joq­taý, qara» degendi bildiredi. Jańa Shot­lan­dııadan ońtústik-shyǵysqa qaraı 180 km qashyqtyqtaǵy bul jer Kanadaǵa tıe­sili. Kishkentaı ǵana aral bylaı qa­ra­ǵanda ıreleńdegen qurtqa uqsaıdy. Munda aǵash­tar da, dándi daqyldar da, ja­nýarlar da ta­myr jaımaǵan. Tek jabaıy jylqylar ǵana osy qum tóbelerin mekendeıdi. 300 jyl boıy jylqylardyń tuqymy muhıttyń ortasynda qalaı aman qal­ǵanyn bilgińiz kelse, «Egemen Qazaqstan» gazetinde jarııalanǵan «Seıbl jyl­­qylary» maqalasyn oqyńyz (10.01.2024).

Eń qart túlek

Dıplomyn 96 jasta alǵan japon­dyq Sıgemı Hırata JOO-nyń eń qart túlegi atanǵan.

Japon azamaty ýnıversıtetke túsý-túspeýi jaıynda ómir boıy oılanǵan eken. Aqyry 85 jasynda balalary men ne­mereleri ony oqýǵa túsýge kóndiredi. Egde jastaǵy stýdent Kıotonyń dızaın ýnıver­sıtetinde 11 jyl boıy poezııany oqyp, aqyr sońynda bitirip shyǵady. Joǵary oqý ornyn 96 jasynda bitirgen japondyq azamat Gınnestiń rekordtar kitabyna da endi. Ol bul jetistigimen shektelmeı, 100 jasyna ǵylymı dáreje alýdy josparlap otyrǵany tipten tań qaldyrady.