Qazaqstan halqy Assambleıasynyń Qaraǵandy oblysyndaǵy ókilderi «Taza Qazaqstan» respýblıkalyq ekologııalyq aksııasyna belsene qatysyp jatyr, dep habarlaıdy Egemen.kz.
«Jasyl aımaq» aptalyǵy aıasynda etnomádenı birlestikterdiń ókilderi kásipkerlermen, eriktilermen birge Álıhan Bókeıhan atyndaǵy aýdanǵa bal ósimdikterin ekti.
Kógildir toǵandardaǵy alleıaǵa 50 qaraǵan butalary men bes shyrsha egildi.
«Biz sary qaraǵandy bekerden tańdaǵan joqpyz. Bul bal ósimdigi ádemi, onyń ústine óte qarapaıym, qurǵaqshylyqqa tózimdi, topyraqty azotpen baıytady. Aksııanyń basty maqsaty – qorshaǵan ortaǵa uqypty qaraý mádenıetin qalyptastyrý, azamattyq jaýapkershilikti arttyrý jáne ekologııalyq mádenıetti nyǵaıtý», deıdi QHA Analar keńesiniń múshesi Dııa Erjanova.
Kóshet egý jumystaryna jergilikti turǵyndar da atsalysty. Olar bul alleıada balalarmen jıi serýendeıdi.
Jergilikti bıliktiń málimetinshe, bıyl Álıhan Bókeıhan atyndaǵy aýdanǵa 10 myńǵa jýyq jasyl jelek egiledi.
Qaraǵandy oblysy