Sınoptıkter erteń elimizde qatty jaýyn-shashyn bolyp, aýa raıy kúrt tómendeıtinin boljady, dep habarlaıdy Egemen.kz.
Boljamǵa sáıkes, atmosferalyq frontaldy bólikterdiń júrýine baılanysty Qazaqstannyń soltústik jáne ońtústik óńirlerinde aýa raıynyń turaqsyz sıpaty kútiledi. Elimizde naızaǵaı oınap, jańbyr jaýady, ońtústik, ońtústik-shyǵys óńirdiń taýly aımaqtarynda jańbyr men qar túrinde qatty jaýyn-shashyn bolady.
«Elimizdiń batysyna, shyǵysynda, ortalyǵynda antısıklon áserinen jaýyn-shashynsyz aýa raıy kútiledi. Respýblıkamyz boıynsha jeldiń kúsh alý sıpaty basym, elimizdiń ońtústiginde, ońtústik-shyǵysynda burshaq túsedi, ońtústiginde shańdy daýyl turady, ońtústik-shyǵysynda tuman bolady dep boljanady. Túnde Jambyl oblysynyń shyǵysynda, taýly aýdandarynda -2°S sýyq bolady», dep boljady mamandar.