Soltústik Qazaqstan oblysy Aıyrtaý aýdanynyń eki turǵyny sýısıd jasady. Aqparatty aýdandyq polısııa departamenti rastady, dep jazady Egemen.kz kaz.inform.kz-ke silteme jasap.
Qaıǵyly oqıǵa 28 sáýir kúni bolǵan. Aldymen 22 jastaǵy kelinshek aýladaǵy qorada ózine qol salǵan, muny kórgen soń 17 jastaǵy inisi ormanda óz ómirin qıǵan. Kelinshektiń artynda 1,5 jasar balasy qalǵan.
«Aıyrtaý aýdandyq polısııa basqarmasynyń kezekshi bólimine aýdannyń eki turǵyny sýısıd jasady degen habarlama tústi. О́z-ózine qol salýǵa deıin jetkizý faktisi boıynsha qylmystyq is qozǵaldy. Tergeý amaldary júrip jatyr», delingen SQO polısııa departamenti taratqan habarlamada.