Búgin saǵat 13:30 shamasynda Jalal-Abad oblysynyń Sozaq aýdanynda balmuzdaq tıelgen shaǵyn júk kóligi 29 balany qaǵyp ketti, dep habarlaıdy Egemen.kz.
Qyrǵyz Respýblıkasynyń Densaýlyq saqtaý mınıstrligi zardap shekkenderdiń jasy 9 ben 16 jas aralyǵynda ekenin habarlady.
Qazir zardap shekkenderdiń jeteýi jansaqtaý bóliminde jatyr, úsheýiniń jaǵdaıy aýyr dep baǵalandy.
Taǵy úsh bala Sozaq aýdandyq aýrýhanasynda, segizi ortalyq balalar aýrýhanasynda jatyr. Dárigerlerdiń aıtýynsha, olardyń jaǵdaıy ortasha aýyr.
Oqıǵa ornynda 11 mektep oqýshysyna kómek kórsetildi. Olar ambýlatorlyq emdeýge jiberildi.
Qyrǵyzstannyń Densaýlyq saqtaý mınıstri Alymqadyr Beıshenalıev zardap shekkenderge kómek kórsetý máselesin jeke baqylaýyna alyp, olarǵa sapaly medısınalyq kómek kórsetýdi, dári-dármekpen qamtamasyz etýdi tapsyrdy.