Mindetti áleýmettik medısınalyq saqtandyrý negizinde el azamattary tisin tegin emdete alady. Ol úshin turǵyn shartta kórsetilgen sanattyń birine saı kelý kerek, dep jazady Egemen.kz kz.otyrar.kz-ke silteme jasap.
MÁMS arqyly tisin tegin emdete alatyn azamattar sanaty:
Balalar; (Shuǵyl jaǵdaıda 18 jasqa deıingi balalar) Júkti áıelder; Ekinshi dúnıejúzilik soǵys ardagerleri; 1, 2, 3 toptaǵy múgedekter; «Altyn alqa», «Kúmis alqa» alqalarymen marapattalǵan kóp balaly analar; Ataýly áleýmettik kómek alýshylar men zeınetkerler; Juqpaly, áleýmettik mańyzy bar aýrýlarmen jáne aınalasyndaǵylarǵa qaýip tóndiretin aýrýlarmen aýyratyn naýqastar; Erekshe balany kútýdi júzege asyratyn jumys istemeıtin adamdar; bala kezinen birinshi toptaǵy múgedekke kútim jasaıtyn jumys istemeıtin azamattar josparly stomatologııalyq kómekti aqysyz ala alady.Mindetti áleýmettik saqtandyrý esebinen kórsetiletin stomatologııalyq emdeý sharalary bekitilgen. Olar:
Turaqty tekserýler, profılaktıkalyq prosedýralar, tisjegini emdeý, hımııalyq qataıtylǵan kompozıttik materıaldardan jasalǵan plombany daıyndaý jáne salý.Atalǵan júıe boıynsha áleýmettik az qamtylǵan otbasylardyń 6-12 jas aralyǵyndaǵy balalar ortodontııalyq emdi de aqysyz túrde alýǵa múmkindigi bar.