Keshe elordada Prezıdenttik ortalyq jáne N.Nazarbaev qorynyń uıymdastyrýymen Halyq qaharmandary S.Nurmaǵambetov pen R.Qoshqarbaevtyń 100 jyldyǵyna arnalǵan aıryqsha kórme ashyldy.
«Atys qarýy: tapansha tarıhy» atty kórmede Ekinshi dúnıejúzilik soǵys jyldarynda Otanyn qorǵaǵan batyrlarynyń erlikterin baıandaıtyn materıaldar, sondaı-aq Qarýly kúshterdiń qalyptasýy men damýy týraly materıaldar qoıylǵan. Kórermen nazaryna usynylǵan jádigerlerdiń negizgi bóligin Prezıdenttik ortalyqtyń jınaqtaryndaǵy atys qarýlary quraıdy.
Kórme úsh bólimnen turady. «Uly Otan soǵysynyń batyrlary» atty bólimde soǵys jyldaryndaǵy qazaq jaýyngerleriniń erlikteri týraly materıaldar jurtshylyq nazaryna usynylǵan. Onyń qatarynda Reıhstagqa alǵashqy bolyp qyzyl týdy tikken Rahymjan Qoshqarbaev, táýelsiz elimizdiń tuńǵysh Qorǵanys mınıstri, Keńes Odaǵynyń Batyry Saǵadat Nurmaǵambetov, maıdan dalasynda erlikpen shaıqasqan jaýjúrek erler, Keńes Odaǵynyń Batyry ataǵyn eki retten alǵan T.Bıgeldınov, S.Lýganskıı, L.Beda, I.Pavlov, sondaı-aq Otanǵa degen adaldyq pen batyrlyqtyń jarqyn úlgisin kórsetken qazaq áıelderi Á.Moldaǵulova, M.Mámetova jáne H.Dospanova týraly derekter bar. Sonymen qatar bólimde gvardııashy-panfılovshy Aıapbergenov Saǵynaı Adamulynyń jeke arhıvinen alynǵan materıaldar usynylǵan.
«QR PIB Prezıdenttik ortalyǵynyń qorynan tapanshalar toptamasy» atty ekinshi bólimde Prezıdenttik ortalyqtyń qorynan alynǵan atys qarýlarynyń túrleri, atap aıtqanda revolverlerden qazirgi zamanǵy atys qarýlaryna deıingi tapanshalar qoıylǵan. Adamzat balasy eńbek quraldaryn, sodan keıin ótkir júzdi jáne laqtyratyn qarýlardy jasap úırenip, olar ómir súrý jáne azyq-túlik óndirý quralyna aınaldy. Injenerlik oıdyń, ǵylymnyń jáne tehnıkanyń damýy qarýdyń jańa túrleri – atys qarýyn jasaýǵa yqpal etti. Ekspozısııa Lefoshe, Kolt, Braýnıng, Federle, Stechkın jáne basqa da kórnekti qarý-jaraq qurastyrýshylardyń týyndylarymen tanysýǵa múmkindik beredi. Eýropa, AQSh, Reseı jáne Túrkııadaǵy jahandyq qarý óndirýshilerdiń tapanshalary men revolverleri kórme sórelerinde tur. Eksponattar arasynda býndel revolveri, Lefoshe revolveri jáne dýeldik tapanshalar sekildi antıkvarlyq úlgiler bar.
«Qazaqstan Respýblıkasynyń Qarýly kúshteri» dep atalatyn úshinshi bólim kórermenderdi el áskeriniń qalyptasý tarıhymen tanysa alady. Bul tarıh jylnamasy 1992 jylǵy 7 mamyrynan bastaý alady. О́ıtkeni sol kúni Qazaqstan Respýblıkasynyń Memlekettik qorǵanys komıtetin Qazaqstan Respýblıkasynyń Qorǵanys mınıstrligi etip qaıta qurý týraly jáne Qazaqstan Respýblıkasynyń Qarýly kúshterin qurý týraly Jarlyqtarǵa qol qoıylǵan bolatyn. El armııasy 30 jyldan astam ýaqyt ishinde óziniń damý tarıhyn is júzinde «taza paraqtan» bastap, kúrdeli joldan ótti. Álemdegi kez kelgen qýatty armııa sanasatyn zamanaýı kúshke aınaldy.
Aıta keteıik, elordadaǵy Prezıdenttik ortalyqta ótip jatqan «Atys qarýy: tapansha tarıhy» atalatyn bul kórme 1 maýsymǵa deıin jalǵasady. Qarýly kúshterimizdiń tarıhyna qyzyǵýshylyq tanytqan astana turǵyndary men qonaqtaryna esik ashyq.