Qaraǵandylyqtar «Taza Qazaqstan» respýblıkalyq ekoaksııasyna belsendi qatysyp jatyr. О́tken senbilikterde 5 myń tonnadan astam qoqys jınaldy. Mereke kúni, 7 mamyrda 100-den astam adam Buqpa ózeniniń aýmaǵyn tazartty, dep habarlaıdy Egemen.kz.
Qatysýshylar qatarynda ekologııalyq qozǵalystyń eriktileri, qala jastary jáne jergilikti atqarýshy organdardyń ókilderi bar.
Olar birlesip ózen arnasynyń bir bóligin tazalap, 300 qap qoqys jınady.
«Buqpa ózenin tazartý boıynsha úlken jumys atqaryldy, bolashaqta biz ony jalǵastyramyz. Sondaı-aq, bir aı boıy jalǵasatyn «Taza Qazaqstan» aksııasy barysynda 5000 tonnadan astam qoqys jınalǵanyn atap ótkim keledi. Senbilikke qalanyń 10 myńǵa jýyq turǵyny qatysty», deıdi Qazybek bı atyndaǵy aýdan ákiminiń orynbasary Rınat Qarjasbaev.
Ekologııalyq eriktiler qozǵalysynyń jetekshisi Rahat Raıymbekov qaraǵandylyqtardy sý resýrstaryna uqypty qaraýǵa, ózender men sý aıdyndaryn lastamaýǵa shaqyrdy.
«Taza sý – bizdiń ortaq baılyǵymyz, ony qorǵaý qajet. «О́zender men kólderdi taza ustaı otyryp, biz adamdardyń densaýlyǵy men ál-aýqatyna qamqorlyq jasaımyz. Bizdiń árqaısymyz qalany osyndaı aksııalarǵa qatysý arqyly qoqyssyz jáne taza ete alamyz. Qaraǵandy úshin taza tirshilik nári – «Móldir bulaq» quraıyq!», deıdi Rahat Raıymbekov.
«Taza Qazaqstan» ekoaksııasynyń besinshi aptasy «Móldir bulaq» dep atalyp, bulaqtardy, ózender men kólderdiń jaǵalaý aımaqtaryn tazartýǵa arnalǵan.