Prokýratýra Almaty oblysynyń túzeý mekemelerinde óreskel zań buzýshylyqtardy anyqtady, dep habarlaıdy Egemen.kz.
Qadaǵalaý organynyń habarlaýynsha, sottalǵandar býkmekerlik keńseler men onlaın kazınolar arqyly onlaın-satyp alý, nesıe rásimdeý jáne qumar oıyndarǵa qatysý úshin uıaly telefondardy paıdalanǵan, olardyń jalpy aınalymy úsh mıllıard teńgeden asty.
«Sottalǵan №10 mekeme uıaly qurylǵylardy paıdalana otyryp, tyıym salynǵan jáne ruqsat etilgen zattardy tikeleı mekeme qabyrǵasynda saýdalaǵan. Osy faktige baılanysty Almaty oblysynyń prokýratýrasy 361-baptyń 2-bólimi boıynsha sotqa deıingi tergeý júrgizdi. Qazaqstan Respýblıkasy Qylmystyq kodeksiniń 1-baby («Qyzmettik ókilettikterdi teris paıdalaný») boıynsha Ile aýdandyq soty atalǵan mekemeniń úsh qyzmetkerin túrli jazaǵa kesti», dep habarlady prokýratýra.
Sonymen qatar oblys prokýratýrasy №12 jáne №57 mekeme qyzmetkerlerine qatysty Qylmystyq kodekstiń 361-babynyń 2-1-bóligi boıynsha sotqa deıingi tergeý amaldaryn bastap, №57 mekeme basshysy qamaýǵa alyndy.
«Anyqtalǵan faktiler qylmystyq-atqarý júıesinde, onyń ishinde mekeme qyzmetkerleriniń ózderiniń qatysýymen júrgizilip jatqan zań buzýshylyqtardy kórsetedi», dep qosty vedomstvo.
Qyrmyzy JUMAǴALIQYZY,
EUÝ stýdenti