Klassıkalyq shahmattan oqýshylar arasynda Perý astanasy Lımada 2024 jylǵy álem chempıonaty ótip, oǵan 26 elden 1 myń 174 jas shahmatshy qatysty. Elorda ákimdigi resmı saıtynyń habarlaýynsha Astanadaǵy №9 «Zerde» mamandandyrylǵan lıseıdiń oqýshysy Aıarý Altynbek jarystyń aıaqtalýyna bir týr qalǵanda, merziminen buryn jeńiske jetti, dep jazady Egemen.kz.
Atalǵan álem chempıonaty (bir partııaǵa 90 mınýt jáne qosymsha ár júris úshin 30 sekýnd beriledi) shveısarııalyq júıe (9 týr) boıynsha 7-den 17 jasqa deıingiler arasynda uldar (Open) jáne qyzdar (Girls) arasynda bólek ótkizilgen.
«Eń joǵary reıtıngtik upaıy (1868) bar shahmatshy sońǵy týrdy sátti aıaqtap, 9 partııadan 8,5 upaı jınady. Sóıtip, kúmis júldegerden 1,5 upaıǵa uzap ketti. Aıarý qazirgi kezde grossmeıster Anton Fılıppovpen birge jattyǵady», dedi Qazaqstan shahmat federasııasynyń baspasóz qyzmeti.
13 jasqa deıingi oqýshylar arasynda altynnan alqa taǵyp, álem chempıony atanǵan Aıarý Altynbek 6-synyptyń úzdik oqýshysy.