Elimizdiń IT salasyn damytatyn, mıssııasyn rastaı túsetin halyqaralyq «Robotek Grand Tournament» chempıonaty aıaqtaldy. Jyl saıyn ótetin bul chempıonat jańa deńgeıge kóterilip, úsh jylda otandyq robottehnıkanyń mańyzdy bóligine aınalyp úlgerdi. Halyqaralyq jarystyń eń baǵaly syılyǵy «Qazaqstan – Brıtan tehnıkalyq ýnıversıtetiniń aqparattyq tehnologııalar jáne ınjenerııa mektebine bilim granty» Abaı oblysy Úrjar aýdanynan kelgen Mıras Slıamǵazyǵa buıyrdy.
«RGT-2024» chempıonatyna 20 aımaqtan oblystyq týrnırlerdiń jeńimpazdary qatysty. 9 ben 17 jas aralyǵyndaǵy 300-den astam mektep oqýshysy «Robotek», «Mergen», «Keri syzyq jarysy», «Týdy jetkizý», «Jetkizýshi robot» jáne «Suryptaýshy robot» sanattary boıynsha baq synady. Bıyl «Robotek Grand Tournament» alǵash ret halyqaralyq deńgeıge shyǵyp, О́zbekstan, Qyrǵyzstan, Tájikstan elderiniń oqýshylary da jarysqa keldi.
«Robotek» – STEM bilim berý jáne robottehnıka salasy boıynsha álemge elimizdiń atyn shyǵaryp júr. 2023 jyldyń qarashasynda onyń oqýshylary Panamadaǵy «World Robot Olympiad» álem chempıonatynda kók týymyzdy jelbiretti. Jeńis tuǵyryna birden eki komanda kóterildi. «Robotek» arqasynda jalpy medaldyq esepte Qazaqstan quramasy birinshi ret Malaızııa quramasyn ǵana artqa tastap, ekinshi oryn alǵan edi.
«Biz robottehnıka boıynsha aýqymdy respýblıkalyq jáne halyqaralyq jarystardyń jıi ótýine múddelimiz. «Robotek Grand Tournament» – mazmuny jaǵynan tolyǵymen otandyq, barlyǵy avtorlyq reglamentter boıynsha ótkizildi, bul balalardy jańa ınjenerlik sheshimderge shabyttandyrady. Chempıonattyń mıssııasy bizdiń kompanııanyń mıssııasymen úndes, balalarǵa bolashaqqa senimdi qadam jasaýǵa kómektesý. Biz naqty ekonomıkaǵa jańa býynnyń otandyq ınjenerlik rezervin qurý boıynsha jumys istep jatyrmyz. Búgin chempıonattarda robottardy qurastyratyn, baǵdarlamalaıtyn oqýshylar erteńgi kúni jasandy ıntellektiniń qatysýymen joǵary tehnologııalyq, sıfrlyq, robottandyrylǵan kásiporyndarda suranysqa ıe bolady», dep atap ótti kompanııanyń bas dırektory Sanjar Shalqarbekov.
Odan bólek, túrkitildes elderdiń úzdik robottehnıkteri de jınaldy. «TurkTime!» jahandyq bastamasy aıasynda otandyq «Robotek» kompanııasy men Qyrǵyzstannan Aqylman prezıdenttik lıseıi (Sholpan Ata), «Sapat» halyqaralyq jelisi (Bishkek), «Seytek STEM» bilim berý jelisi (Tokmak), Tashkent pen Shyrshyqtan SteamLand jáne Roboschool bilim berý ortalyqtary, sonymen qatar tájikstandyq «Lıga robotov» arasynda yntymaqtastyq týraly memorandýmǵa qol qoıyldy.
Basty kýbok – «El kýbogin» – Batys Qazaqstan oblysynyń quramasy Oralǵa alyp ketti. Bıyl alǵash ret úsh arnaıy atalym engizildi: «Úzdik ınjenerlik sheshim», onyń jeńimpazdary Túrkistan oblysynyń Kentaý qalasynan Ibragım Iskanderov pen Nurıslam Ershov, «Úzdik aýyldyq komanda» Jetisý oblysy Aqsý aýdanynan Bekjan Muhtarbek pen Roman Pronıakovqa taǵaıyndaldy. Al Shyrshyqtan kelgen Artem Appazov pen Djahongır Mamadjanov «Úzdik sheteldik komanda» atalymyna ıe boldy. Eń basty syılyq – elimizdegi jetekshi JOO – Qazaqstan – Brıtan tehnıkalyq ýnıversıtetiniń aqparattyq tehnologııalar jáne ınjenerııa mektebine bilim grantyn Abaı oblysy Úrjar aýdanynan kelgen Mıras Slıamǵazyǵa buıyrdy.
«Otandyq ındýstrııanyń bolashaǵy jańa tehnologııalyq ázirlemelerge, olardy jasaýshylarǵa baılanysty. Chempıonatta akademııalyq bilimdi de, qatysýshylardyń shyǵarmashylyq oılaýyn da dáleldeıtin saýatty ınjenerlik sheshimder basym boldy. Búgingi tańda árbir joǵary oqý orny tehnıkalyq mamandyqtardy sanaly túrde tańdaǵan oqýshylardyń ózderinde oqýyna múddeli, al kásiporyndarda naǵyz kásipqoı mamanǵa aınalatyn úzdik túlekter ózekti», dedi demeýshi bolǵan «Allur» avtomobıl kompanııasy brendti damytý bóliminiń bastyǵy Rysty Asenova.
Elimizdiń «Robotek Grand Tournament» chempıonatyna kelesi jyly 20-dan astam elden qatysýshylar kelýge daıyn, bul bedeldi chempıonatqa degen úlken qyzyǵýshylyqty dáleldeıdi. Kelesi jyly Astanada «Robotek Grand Tournament» alańynda Amerıka Qurama Shtattary, Qytaı, Túrkııa, Ázerbaıjan, Ońtústik Koreıa, Japonııa, Taıvan, basqa da elderdiń jas robottehnıkteri kezdesýge nıetti.