«Alaqanǵa» qarap bárin biledi

«Alaqan» jobasy – sıfrlyq damýdyń biregeı kórinisi. Bul jańashyldyq mektepterge engizilip jatyr. Mysaly, ata-ana endi balasyn sabaqta ma, álde syrtqa shyǵyp ketti me, búgin tamaq ishti me, joq pa dep alańdamaıdy. Sebebi bárin telefonnan kórip otyrady.  «Alaqan» jobasy arqyly balasynyń qaıda júrgenin, qandaı tamaq ishkenin, tipti kitap­hanadan qandaı kitap alǵa­nyna deıin biledi. 

«Alaqan-mektep» jobasy ata-analardyń kómekshisi dep sanaımyz. Oqýshy mektepke «Ala­qan­men» kirip, ashanada tó­lemderdi «Alaqanmen» jasasa bolady. О́zimen birge qolma-qol aqsha ustap júrmeıdi. Mek­tep­ qaýipsizdigine de jaqsy. Bógde adamdar kire almaıdy. Kitaphanaǵa kirip, balalar ki­tap alatyn bolsa, «Alaqan» oqyr­­man bıleti retinde sanala be­­redi. Al munyń bárinen ata-anaǵa habar kelip otyrady. Baǵ­dar­lamadaǵy balanyń shotyn bir kúnge qajetti somaǵa toltyryp qoıady. Sodan oqýshynyń ne alyp, ne qoıǵany týraly esep ke­lip túsedi. Bul, ásirese, mektepke úıi alys otbasylarǵa kómek. Sebebi keshki ýaqyttarda ata-ana­lar balalarǵa alań­da­maı­dy», deıdi joba jetekshisi Berik Nurymbetov.

Joba  Ábish Kekilbaıuly atyndaǵy №72 mektep-lıseıine de qanatqaqty rejimde iske qo­syl­ǵan edi. Qazir balalar men pedagogter mektepke ala­qa­nynyń bıometrııasy arqyly kirip júr.

«Mektepten alysyraq tu­ramyz. Meniń ulym ózi keledi sabaq­qa, ózi qaıtady. Maǵan óte yńǵaıly. Sebebi balanyń qaýipsizdigi úshin jaqsy orna­tyl­ǵan. Bul jerde balany esep­ke úıretemin. Sebebi ol ruq­satymsyz aqshany jaratpaıdy. Ne alsa da kórip otyramyn. Bala tártipke úırenedi. Aqshany beıbereket jaratpaýǵa, qarjylyq saýattylyqqa úıretedi. Munda sizdi alaqanyńyzdaǵy qan ta­myrynyń sýreti arqyly tanıdy. Bir qyzyǵy, qoldaǵy saý­saq izderinen bólek, alaqa­ny­myzdaǵy qan tamyrlary da bir-birine uqsamaıdy. Tipti oń qoldiki sol qoldan ózgeshe. Qaýip­sizdik te basty nazarda. Siz­diń bıometrııańyzdy eshkim qol­dana almaıdy. Tipti uqsatyp kóshirý múmkin emes. О́ıtkeni ol tamyrlar kórinbeıdi»,  deıdi mektep oqýshysynyń anasy Gaýhar Shaldybaeva.