Aqtóbe qalasy U.Qulymbetov atyndaǵy №64 mektebiniń 10-synyp oqýshysy jasandy ıntellekt taqyrybyna qyzyǵýshylyq tanytyp, zertteý júrgizip, oqýshyǵa qaýip tóngende quzyrly organdarǵa habarlaıtyn «NazarAI» qosymshasyn oılap tapty, dep habarlaıdy Egemen.kz.
Oblys ákimdiginiń málimetinshe, Tumar Smaǵuldyń «NazarAI» qosymshasy naqty ýaqytta beınekamera materıaldaryn jasandy ıntellekt arqyly óńdeıdi, ıaǵnı adamdy taný, adam áreketin modeldeý, qaýipti sátte shuǵyl habarlaý sekildi jumystardy uıymdastyrady. Atalǵan qosymsha – mektepke kelgen oqýshylardyń beıne kameradaǵy keskinin tanıdy jáne tanylǵan oqýshy mektepke kelgen mezetinde avtomatty túrde ata-analarǵa habarlama jiberedi. Habarlamada oqýshynyń fotosy, aty-jóni, kelgen ýaqyty kórsetilip turady.
Qosymshanyń taǵy bir qyzmeti – qaýipti sátti anyqtaý. Oqýshyǵa qaýip-qater tóngen sátte jábirlenýshi eki qolyn kóterse, jasandy ıntellekt beınedegi adam áreketiniń kompıýterlik modelin qurastyrady. Osylaısha, adam qoly, býyndarynyń burysh gradýstary arqyly esepteýler júrgizip, adamǵa qaýip tóngenin anyqtaıdy.
Qaýip anyqtalǵan soń, qosymsha adam beınesin skrın jasap, aqparatty arnaıy ashylǵan Telegram-arnaǵa jiberedi. Atalǵan Telegram-arnada ishki ister organdarynyń arnaıy bólimi tirkelgen.