Qazaqstan jahandyq týrızm reıtınginde 14 satyǵa kóterildi, dep habarlaıdy Egemen.kz.
Dúnıejúzilik ekonomıkalyq forýmnyń (World Economic Forum) Saıahat pen týrızmdi damytý ındeksine sáıkes, Qazaqstan týrıstik baǵyttar tiziminde 119 el arasynan 52-oryndy ıelendi.
Aıta keteıik, buǵan deıingi ındekste Qazaqstan 117 memleket arasynan 66 orynǵa ornalasqan edi.
«Bizdiń elimiz myna sanattar boıynsha eń joǵary baǵa aldy: baǵalyq básekege qabilettilik (2 oryn), týrızmniń áleýmettik-ekonomıkalyq áseri (5), densaýlyq saqtaý jáne gıgıena (23), tabıǵı (30) jáne mádenı resýrstar (48), sondaı-aq adamı kapıtal men eńbek naryǵy (43) jáne týrıstik ınfraqurylym men servıs (47)», delingen habarlamada.
Qazaqstan Ázerbaıjan (56), О́zbekstan (78), Qyrǵyzstan (102) sııaqty elderdi basyp ozyp, Ortalyq Azııadaǵy eń joǵary kórsetkishke ıe boldy.