«Qazgıdromet» RMK málimeti boıynsha, maýsym aıynda elimizdiń 4 oblysynda qurǵaqshylyq bolady, dep habarlaıdy Egemen.kz.
Sınoptıkterdiń aıtýynsha, jazdyń alǵashqy aıy ystyq bolady.
«Maýsym aıy ystyq bolady, bir aıdaǵy ortasha aýa temperatýrasy respýblıkanyń basym bóliginde normadan 1-2 gradýsqa joǵary bolady dep boljandy. Shyǵys Qazaqstan, Almaty, Jetisý, Túrkistan, Abaı, Jambyl, Qaraǵandy oblystarynda norma shamasynda bolady. Maýsymdaǵy jaýyn-shashyn mólsheri respýblıkanyń basym bóliginde uzaq merzimdi mánder shamasynda bolady dep boljandy. Atyraý, Mańǵystaý, Batys Qazaqstan, Qyzylorda, Aqtóbe oblystarynda normadan az bolady. Atmosferanyń ylǵaldanýy negizinen normaǵa jaqyn bolady, biraq Qazaqstannyń birqatar óńirine qurǵaqshylyq qaýpi qaýpi tónip tur», dep habarlady «Qazgıdromet» RMK ókilderi.
Olardyń aıtýynsha, atmosferalyq qurǵaqshylyq kelesi oblystarda baıqalady:
Qostanaı oblysynda – Amangeldi jáne Jangeldi aýdandarynda, Mańǵystaý oblysynda – Mańǵystaý jáne Qaraqııan aýdandarynda, Batys Qazaqstan oblysynda – Kaztalov aýdanynda, Qaraǵandy oblysynda – Shet aýdanynda.Shyǵys Qazaqstan oblysynyń Katonqaraǵaı aýdanynda, Pavlodar oblysynyń Ýspen aýdanynda jáne Pavlodar qalasynda maýsym aıynda qalypty ylǵaldylyq kútiledi.