Tótenshe jaǵdaılar mınıstrligi baspasóz qyzmetiniń habarlaýynsha, bala ekinshi qabattaǵy terezeden qulap ketken, dep jazady Egemen.kz.
Bala túrli jaraqat alyp, Qostanaı oblystyq balalar aýrýhanasyna jatqyzylǵan.
«Saǵat 13:25-te 2021 jyly týǵan bala túsken. Dıagnozy: turǵyn úıdiń ekinshi qabatyndaǵy terezeden qulap, jaraqat alǵan. Balanyń bel aımaǵyndaǵy jumsaq tinder kógergen. Onyń jaǵdaıy ortasha aýyr», dep málimdedi Qostanaı oblysynyń densaýlyq saqtaý basqarmasy.
Vedomstvo naýqastyń oblystyq balalar aýrýhanasynda tolyq em qabyldap jatqanyn málimdedi.