Aqmola oblysynda patrýldik polıseıler trassada bolýy yqtımal qaıǵyly oqıǵanyń aldyn aldy. Patrýldik polısııa batalonynyń komandıri Azamat Ahmetovtyń aıtýynsha, jazǵy lagerden qaıtqan 22 bala otyrǵan eki shaǵyn avtobýs 23 mamyrda Býrabaı aýdanynan shyqqan. Oqýshylar qaýipsizdigi úshin kolonnany oblystyq batalonnyń 4 vzvodynyń qyzmetkerleri Búrkit Alshynbaev pen Ryspek Qabdrashev erip júrgen, dep habarlaıdy Egemen.kz Polisia.kz málimetine silteme jasap.
24 mamyrǵa qaraǵan túni saǵat 02:15-te Ekaterınbýrg-Astana jolymen Jaqsy aýdany aýmaǵynda júrip kele jatqan patrýldik ekıpaj qarsy jolaq boıymen qozǵalǵan aýyr júk kólikti baıqady.
«Polıseıler júrgizýshige faralar men arnaıy qurylǵy arqyly sıgnal berdi, biraq júk kóligi qozǵalysyn jalǵastyrdy. Keıinirek anyqtalǵandaı, kólik buzylyp, júrgizýshi kólikti basqara almaǵan. Sońǵy mezette aýyr júk kóligi júrgizýshisi rýldi buryp úlgergen, áıtse de soqtyǵysýdy boldyrmaý múmkin bolmaǵan, júk kóliginiń tirkemesi patrýldik kólikke mehanıkalyq zaqym keltirdi», delingen habarlamada.