Qulsaryda sý aıdaý kezinde 23 jastaǵy órt sóndirýshi qaıtys boldy, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
TJM 29 mamyrda Atyraý oblysy Jyloı aýdanynyń Qulsary qalasynda Atyraý oblysy TJD №1 mamandandyrylǵan órt sóndirý bóliminiń bólimshe komandıri Beıbarys Jalǵasbaıuly Raqym qaıtys bolǵanyn málimdedi.
Vedomstvonyń málimetinshe, azamattyq qorǵaý serjanty sýdy sorý boıynsha qutqarý jumystaryn júrgizý kezinde qaza tapty. Qazir onyń óliminiń naqty sebepteri anyqtalyp jatyr.
«Tótenshe jaǵdaılar mınıstrligi Beıbarys Jalǵasbaıulynyń týystary men jaqyndaryna kóńil aıtady», dep habarlady departamenttiń baspasóz qyzmeti.