«Qazgıdromet» RMK 31 mamyrǵa arnalǵan Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamyn jarııalady, dep habarlaıdy Egemen.kz.
Sınoptıkterdiń boljaýynsha, Qazaqstannyń batysynda, ońtústiginde jáne soltústiginde jaýyn-shashynsyz aýa raıy kútiledi.
Qazaqstan Respýblıkasynyń qalǵan aýmaǵynda turaqsyz aýa raıy qalyptasady, jańbyr jaýyp, naızaǵaı oınaıdy, soltústik-batysta, soltústikte jáne shyǵysta burshaq jaýýy múmkin.
Respýblıka boıynsha jel kúsheıedi, ońtústik-batysynda shańdy daýyl, túnde jáne tańerteń soltústik-batysta jáne soltústikte tuman kútiledi. Túnde Qostanaıdyń soltústik-shyǵysynda, Soltústik Qazaqstannyń soltústiginde, Pavlodarda, Aqmola oblystarynyń soltústiginde, shyǵysynda 1-3 gradýs úsik júredi.
Atyraý, Batys Qazaqstan, soltústik-batysta, Mańǵystaý oblystarynyń ortalyǵynda, Jetisý oblysynyń shyǵysynda, ortalyqta, Túrkistan oblysynyń soltústik-shyǵysynda, batysta, Jambyldyń shyǵysynda, Qostanaıdyń ońtústiginde, Aqtóbeniń batysynda, Qyzylordanyń ortalyǵynda joǵary órt qaýpi saqtalady.
Shyǵys Qazaqstan oblysynyń ońtústiginde Túrkistan oblysynyń shóldi aımaqtarynda, Batys Qazaqstan oblysynyń Jánibek aýdanynda, Atyraý oblysynyń batysynda, Qyzylorda oblysynyń shyǵysynda óte joǵary órt qaýpi kútiledi.