Jambyl oblysynyń prokýratýrasy 700 mıllıon teńgeden astam bıýdjet qarajatynyń negizsiz jumsalýynyń aldyn aldy, dep habarlaıdy Egemen.kz Jambyl oblysynyń prokýratýrasyna silteme jasap.
Qordaı aýdanynyń prokýratýrasy bıýdjet zańnamasy salasynda júrgizgen taldaý nátıjesi boıynsha aýdan ákimdigi qyzmetinde zańbuzýshylyqtardy anyqtady.
«Jergilikti atqarýshy organ rastaıtyn qajetti qujattarsyz jáne negizdemesiz bıýdjettiń shyǵys bóligine 700 mıllıon teńgeden astam qarajatty engizgen. Mysaly, ákimdik shyǵys baǵanasyna sý qubyry lıýkterin ornatýǵa 67 mıllıon teńge qarajat qarastyrǵan. Alaıda shyǵystyń osy baǵytynyń ekonomıkalyq negizdemesi aıqyndalmaǵan», delingen habarlamada.
Nátıjesinde prokýrorlyq qadaǵalaý aktisimen 700 mıllıon teńgeden astam bıýdjet qarajatynyń jumsalýy aldyn alyndy.
Zańbuzýshylyqtarǵa jol bergeni úshin 6 laýazymdy tulǵa tártiptik jaýapkershilikke tartyldy.
Altynaı ABDYSh,
L.N.Gýmılev atyndaǵy EUÝ stýdenti