Elordada «Mereıli otbasy» ulttyq baıqaýynyń qalalyq týryna qatysý úshin ótinimderdi qabyldaý jalǵasyp jatyr, dep habarlaıdy Egemen.kz qala ákimdiginiń baspasóz qyzmetine silteme jasap.
Ulttyq baıqaýdyń negizgi maqsattary – otbasy ınstıtýtyn, adamgershilikti, rýhanılyqty nyǵaıtý, nekeniń mańyzdylyǵyn moıyndaý, ata-analardyń bala tárbıesindegi jaýapkershiligin arttyrý, otbasylyq qundylyqtardy, kámeletke tolǵan balalardyń eńbekke jaramsyz jáne qart ata-analarǵa qamqorlyǵyn nasıhattaý.
Baıqaýǵa qatysý úshin tómende kórsetilgen qujattar talap etiledi:
Ata-analardyń (qorǵanshylardyń, qamqorshylardyń) jeke basyn kýálandyratyn qujattardyń, balalardyń týý týraly kýálikteriniń kóshirmeleri; Asyrap alýshy (qamqorshy) otbasylar úshin — kámeletke tolmaǵan balaǵa qorǵanshylyq (qamqorshylyq) belgileý týraly Jergilikti ýákiletti organnyń sheshiminen úzindi kóshirmeniń kóshirmesi; Neke qııý týraly kýáliktiń kóshirmeleri; Ata-anasynyń bireýi qaıtys bolǵan jaǵdaıda qaıtys bolý týraly kýáliktiń kóshirmeleri; Balalardy tárbıelegeni úshin kótermeleýlerdiń, belgili bir jetistikteri úshin kótermeleýlerdiń bar ekendigin kýálandyratyn qujattardyń kóshirmeleri; Zańdy jáne (nemese) jeke tulǵalardan usynym hattar (ekiden kem emes); Otbasy músheleriniń eńbek, sporttyq, shyǵarmashylyq, zııatkerlik, ǵylymı jetistikterin rastaıtyn qujattardyń kóshirmeleri; Qoǵamdyq paıdaly qyzmetke qatysýdy rastaıtyn qujattardyń kóshirmeleri (volonterlik, qaıyrymdylyq, mesenattyq, tálimgerlik); Derbes derekterdi jınaýǵa jáne óńdeýge kelisim berý.О́tinimder 15 maýsymǵa deıin elektrondyq poshtaǵa qabyldanady: mereyli.otbasy2024@mail.ru (pdf formatynda).