Qazaqstannyń saıası jáne qoǵam qaıratkeri, Parlament Senatynyń depýtaty Beksultan Tutqyshev 75 jasynda qaıtys boldy, dep habarlaıdy Egemen.kz.
Qaıǵyly habardy sıasatkerdiń balalary jarııalady.
«Qymbatty týystar, dostar, áriptester! Búgin tańǵy saǵat 4-te ákemiz Beksultan Serikbaıuly Tutqyshev aramyzdan ketip, máńgilik tynyshtyq tapty. Jerleý rásimi 9 maýsym kúni saǵat 10-da Astana qalasynyń ortalyq meshitinde ótedi», delingen habarlamada.
Beksultan Serikbaıuly Tutqyshev 1948 jyly 19 tamyzda Qostanaı qalasynda dúnıege kelgen. Qaraǵandy memlekettik medısına ınstıtýtyn támamdaǵan, dáriger.
1974 jyly - Qostanaı qalalyq aýrýhanasy, dáriger-travmatolog. 1974-1993 jyldary - V.I.Lenın atyndaǵy Qostanaı oblystyq aýrýhanasy, keýde hırýrgııasy bóliminiń hırýrgy. 1993-1994 jyldary - «Medstrah-Granıt» medısınalyq saqtandyrý kompanııasy, dırektor. 1994-1995 jyldary - Qostanaı oblystyq aýrýhanasy, bas dárigerdiń orynbasary. 1989-1993 jyldary - Qostanaı qalalyq halyq depýtattary keńesi, depýtat, otbasy isteri, jastar, azamattardyń densaýlyǵyn qorǵaý jónindegi turaqty komıtettiń tóraǵasy. 1995, 1997, 2002 jyldary - Qazaqstan Respýblıkasy Parlamenti Senatyna Qostanaı oblysynan depýtat bolyp saılandy. 1998 - 2008 jyldary - TMD elderi Parlamentaralyq Assambelıasynyń múshesi. 2002-2005 jyldary - Turǵylyqty halyq jáne damý jónindegi Azııa forýmy tóraǵasynyń orynbasary. 2005-2008 jyldary - Turǵylyqty halyq jáne damý jónindegi Azııa forýmy Bas hatshysynyń orynbasary. 2008 jyldyń jeltoqsanynan - «Ulttyq medısınalyq holdıng» AQ, basqarma tóraǵasynyń orynbasary. 2011 jyldan bastap «Nazarbaev Ýnıversıteti» departamentiniń bas menedjeri.Medısına ǵylymdarynyń kandıdaty, monografııa, 40 astam ǵylymı maqalanyń avtory. «Qurmet», «Sodrýjestva» ordenderimen, QR Prezıdenti N. Nazarbaevtyń Alǵyshatymen, BUU balalar uıymy - IýNISEF eskertkish medalimen jáne basqa da medaldarmen marapattalǵan.
Qyrmyzy JUMAǴALIQYZY,
EUÝ stýdenti