«Dala tazarmaı – sana tazarmaıdy» degen osy, «Taza Qazaqstan» respýblıkalyq aksııasy aıasynda ashylǵan alǵashqy ekohab almatylyqtarǵa qoqysqa laqtyrylatyn turmystyq qaldyqtardy kádege jaratýdy úırete bastady desek te bolady.
Qaı turǵydan alsaq ta, «Taza Qazaqstan» respýblıkalyq aksııasy talaı jaqsy bastamalarǵa muryndyq bolyp jatyr. Kreatıvti ekohabty qurýshylardyń oıynsha, mundaı izgi shara qoqysty mindetti túrde bólek jınaý mádenıetin qalyptastyrýǵa yqpal etedi.
«Ekohab ıdeıasy – Almatyda ekologııalyq jobalarǵa arnalǵan jańa alań. Biz ekologııaǵa erekshe mán beretinderdiń bir jerde toǵysýyna múmkindik beremiz. Basqa qabyldaý oryndarynan aıyrmashylyǵy, munda tek qoqys qana ákelinbeıdi, sonymen qatar plastıkten nemese shyny bótelkeler qaldyqtarynan túrli shyraqtar, saǵat jasaýǵa bolady. Ol úshin qoqysty óńdeıtin qurylǵylar satyp aldyq. Bul jer qoqysty kádege asatyn buıymǵa aınaldyra alatyn oryn», deıdi Eco Network jobasynyń jetekshisi Evgenıı Muhamedjanov.
Ekohabta ekologııalyq ónim óndirýmen aınalysatyn kásipkerler men startaperlerdiń ónimderi usynylǵan. Mysaly, keıbireýler úı ósimdikterine organıkalyq tyńaıtqyshtar shyǵarsa, ekinshileri – eldegi alǵashqy ári jalǵyz ekohımııa, qalǵany – janýarlarǵa arnalǵan bıologııalyq qospalar.
Taǵy bir tıimdi tusy – ortalyqta turaqty negizde qaıta shıkizattan buıymdar jasaý jónindegi oqytý dáristeri, ekosaǵattar, tımbıldıngter jáne sheberlik dárister ótkizilmek.
Sol sııaqty «Taza Qazaqstan» aksııasy aıasynda Almatydaǵy komıýnıtı-ortalyqtarynda jastardyń nazaryn qorshaǵan ortany qorǵaý men lastanýdy azaıtý máselelerine aýdarý úshin birqatar is-shara ótip jatyr.
Almatynyń komıýnıtı ortalyqtarynda ekologııaǵa qatysty sharalardyń tutas serııasy ótýde. Ekobelsendiler jáne qorshaǵan ortaǵa jaýapkershilikpen qaraıtyn qala turǵyndary ekologııany saqtaý taqyrybyn talqylaıdy, qaldyqtardy jınaý jáne suryptaý boıynsha sheberlik synyptary men trenıngterge qatysady. Aldaǵy ýaqytta osyndaı qaýymdastyq-ortalyq bazasynda shyǵarmashyl jastarǵa, ekobelsendiler men ekostartaptarǵa arnalǵan aýdandyq ekohabtar ashylmaq.
Oqý jylynyń aıaqtalýyna baılanysty oqýshylar arasynda kitaptarmen, gazet-jýrnaldarmen almasý aksııasy ótkiziledi.
Oǵan qosa osy aýqymdy shara aıasynda Almatydaǵy kóppáterli turǵyn úılerdiń aýmaǵynda apatty jaǵdaıdaǵy aǵashtardy sanıtarlyq maqsatta kesý jáne alyp tastaý jumystary júrgizilip jatyr.
Bıylǵy 29 mamyrdan bastap 29 maýsymǵa deıin aǵashtardy sanıtarlyq maqsatta kesý Ekinshi dúnıejúzilik soǵys ardagerleri, zeınetkerler, 1, 2 toptaǵy múgedektigi bar adamdar, jalǵyz ilikti jandar, kámeletke tolmaǵan balalaryn tárbıelep otyrǵan jalǵyzbasty analar syndy áleýmettik osal topqa (HÁOT) jatatyn jandardyń aýlasynda júrgiziledi.
Eń bastysy, jel, qatty daýyl soqqanda qulaý qaýpi bar apatty jaǵdaıdaǵy dińi shirigen aǵashtardy alyp tastaý jumystary erekshe baqylaýǵa alyndy. Kári aǵashtarǵa turaqty túrde monıtorıng júrgiziledi. Aýrý, qýraǵan, qaýipti aǵashtar kesiledi. Jazataıym oqıǵalardyń aldyn alý úshin aǵash kesý týraly sheshim jalpyǵa birdeı qorytyndy shyqqan soń qabyldanady. Onyń ornyna 10 ese kóp kóshet otyrǵyzylady.
Budan basqa, Almatyda «Merzimi ótken dári-dármekterdi tapsyryńyz, tabıǵatty saqtańyz» ekologııalyq aksııasy jalǵasýda, ony turaqty negizde ótkizý týraly sheshim qabyldandy.
ALMATY