Bul týraly Densaýlyq saqtaý mınıstri Aqmaral Álnazarova Úkimet otyrysynan keıingi brıfıngte aıtty, dep habarlaıdy Egemen.kz.
Mınıstrdiń aıtýynsha, kókjótel – vaksınamen basqarylatyn ınfeksııalardyń biri, barlyq memleket kókjótelge baılanysty vaksınany balalarǵa egip, epıdemıologııalyq ahýaldy turaqty ustap otyr. Byltyrdan beri Qazaqstanda kókjótelge qatysty jaǵdaıdyń óskeni baıqalǵan.
Inbusiness.kz saıty jazǵandaı, aýrýǵa shaldyqqan balalardyń 80 paıyzy vaksınany almaǵan.
«Kókjóteldiń asqynǵan túrleri óte aýyr túrde ótedi. Emi de qıyn. Azamattarymyzdy balalaryn osy aýrý túrine qarsy vaksınany belsendi alýǵa shaqyramyz. Qosymsha vaksınasııalaý máselesinde taǵy qarajat bólindi. Byltyrǵy jyldary vaksınasııadan ótpegen balalarymyzdyń arasynda qosymsha vaksınasııalaý jumystary júrip jatyr», dedi Densaýlyq saqtaý mınıstri.
Onyń sózinshe, bul baǵytta túsindirý jumystary áli de kúsheıtýdi qajet etedi.
«О́kinishke qaraı, Qaraǵandy oblysynda 9 naýryz kúni bir sábı kókjótelden qaıtys boldy. Bala 1 jas 11 aıda boldy. Bul jaǵdaıǵa DSM tarapynan saraptama júrgizdik. Birinshiden, bala ýaqyty jetpeı dúnıege kelgen. Ekinshiden, ekpe almaǵan jáne emhana deńgeıinde kóp júrip qalǵan, aýrýhanaǵa kesh túsken. Sondyqtan tıisti asqynýlardyń sebebinen bul balaǵa kómektese almadyq. Kókjótel jeńil ótetin aýrý emes», dedi Aqmaral Álnazarova.