Qazaqstandaǵy bankter qataryn taǵy bir bank tolyqtyrýy múmkin. Bul týraly 2024 jyldyń 12 maýsymynda el prezıdenti Qasym-Jomart Toqaev málimdedi, dep habarlaıdy Egemen.kz.
Bul týraly Aqordada Qazaqstan men Ońtústik Koreıa prezıdentteriniń kelissózderiniń qorytyndysy boıynsha aıtyldy. Qasym-Jomart Toqaev pen Iýn Sok Iol BAQ ókilderine resmı málimdeme jasady.
«Elde koreıalyq mıkroqarjy uıymy jumys isteıdi, ony ekinshi deńgeıli bank etý týraly sheshimdi qoldaımyn», dedi Qasym-Jomart Toqaev.Aıta keteıik, búgin, 12 maýsym kúni tańerteń Aqordada Qazaqstanǵa memlekettik saparmen kelgen Prezıdent Iýn Sok Ioldi saltanatty túrde qarsy alý rásimi ótti.
Saltanatty rásim aıaqtalǵannan keıin memleket basshylary kelissózder zalyna kirdi.
Qasym-Jomart Toqaev Iýn Sok Iolǵa shaqyrtýdy qabyl alǵany úshin alǵys aıtyp, bul sapardy ekijaqty yntymaqtastyqty tereńdetýge degen shynaıy nıettiń kórinisi dep sanaıtynyn atap ótti.