Qarabalyq aýdandyq sotynda aýyl turǵynyna qatysty «Quqyq qorǵaý organdary qyzmetkerlerine ózderiniń qyzmettik mindetterin atqarýyna baılanysty eki jáne odan da kóp adamǵa ómirine nemese densaýlyǵyna qaýipti emes kúsh qoldaný» baby boıynsha qylmystyq is qaraldy, dep jazady Egemen.kz.
Bul týraly oblystyq sottyń baspasóz qyzmeti habarlady.
Sot anyqtaǵandaı, sottalýshy Qarabalyq aýdandyq polısııa bóliminiń ýchaskelik ınspektorlaryna qyzmettik mindetterin oryndaý kezinde, atap aıtqanda, sottalýshynyń kúıeýin ustaý áreketine kedergi keltirgen.
Ol buıryqqa baǵynbaı, polısııa qyzmetkerlerine ómirine qaýip tóndirmeıtin dene jaraqattaryn salǵan.
Sot prosesinde aıyptalýshynyń kinási jábirlenýshilerdiń aıǵaqtary, sot-medısınalyq saraptamanyń qorytyndysy, beıne jazbalarmen rastaldy. Alaıda sottalýshy taǵylǵan qylmys boıynsha kinásin moıyndamady.
Sot talqylaýy barysynda memlekettik aıyptaýshy áıeldi kináli dep tanyp, bas bostandyǵyn shekteý túrindegi jaza taǵaıyndaýdy surady.
Sot jasalǵan árekettiń sıpaty men qoǵamdyq qaýiptilik dárejesin, sottalýshynyń jeke basyn, jaýaptylyqty jeńildetetin jáne aýyrlatatyn mán-jaılar men jazanyń joqtyǵyn eskere otyryp, sottalýshyǵa probasııalyq baqylaý belgileı otyryp, 3 jylǵa bas bostandyǵyn shekteý jazasyn taǵaıyndady.
Úkim zańdy kúshine engen joq.