2023 jyldyń tamyz aıynda iske qosylǵan «Sybaılas jemqorlyqqa qarsy volonterlik» jobasy aıasynda 2,7 myńnan astam belsendi jumys istedi, dep jazady Egemen.kz.
Olardyń 7 mlrd teńgeden astam somaǵa taýarlar men qyzmettik baǵany kóterýdiń aldyn aldy.Mysaly, jemqorlyqqa qarsy eriktiler Oral qalasy ákimdiginiń 45 mln teńge somasyna beınekonferensbaılanys jabdyǵyn satyp alýyn toqtatty, sebebi uqsas jabdyqtyń naryqtyq quny shamamen 4 mln teńgeni quraıdy.Shymkent qalasynyń eriktileri bilim basqarmasymen jáne birneshe mekteptermen jetim balalarǵa arnalǵan jazǵy demalysty uıymdastyrý boıynsha satyp alýdy qaıtalaý faktisin anyqtady. Ýaqytyly den qoıý nátıjesinde bıýdjet qarajatynyń 78 mln teńge somasynda tıimsiz jumsalýyna jol berilmedi. Al Túrkistan qalasynda eriktiler jylý energııasyn esepteý kezinde tarıfterdi negizsiz kóterý faktisin anyqtady. Kóp qabatty turǵyn úılerde esepteý quraldary ornatylǵanyna qaramastan, esepteý sharshy metrmen júrgizilgen, bul jylytý qunyn ósiredi.Qabyldanǵan sharalardyń nátıjesinde 32 kópqabatty turǵyn úıdiń 2 myńnan astam turǵynyna shamamen 13 mln teńgege qaıta esepteldi.Elordada eriktiler «Jumys isteıtin jastarǵa arnalǵan jalǵa beriletin turǵyn úı» baǵdarlamasy boıynsha berilgen 30 páterdiń jaǵdaıyn tekserdi. Tekserý nátıjeleri boıynsha merdigerler radıatorlar men elektr rozetkalarynyń bolmaýy, sondaı-aq aıaqtalmaǵan qurylys-montaj jumystary jáne basqa da kemshilikterdi túzetti.