Aqtóbe oblysynda dári-dármek tıelgen júk kóliginiń júrgizýshisi tirideı janyp kete jazdady. Ony kóliginiń salonynan sol mańǵa toqtaǵan ózge júrgizýshiler shyǵaryp alǵan, dep habarlaıdy Egemen.kz.
KTK telearnasy jazǵandaı, oqıǵa Samara-Shymkent respýblıkalyq trassasynyń Hromtaý aýdany aýmaǵyndaǵy bóliginde boldy. Ot farmasevtıka taýarlary artylǵan tirkemeden tutanǵan.
Ony ańǵarmaǵan júrgizýshi kóligin toqtatpaı júre berip, býdaqtaǵan kók tútin men hımııa ıisinen ýlanyp qalady. Júk kóligi men tıelgen dári-dármekten túk qalmady. Al 33 jastaǵy júrgizýshi aýrýhanada jatyr, beti beri qarady.
- Tirkemede dári-dármek, sýtegi totyǵy boldy. Avtokólik júrgizýshisi 1991 jylǵy azamat hımııalyq zattarmen ýlanyp, aýrýhanaǵa jatqyzyldy. Jaǵdaıy ortasha, - deıdi Aqtóbe oblysy TJD bas mamany Azamat Jumabaev.