Sınoptıkter 25 maýsymda Qazaqstan aýmaǵynda bolatyn sınoptıkalyq jaǵdaı men qaýipti aýa raıy qubylysynyń boljamyn jarııalady, dep habarlaıdy Egemen.kz.
«Soltústik-batys sıklony jáne onymen baılanysqan atmosferalyq fronttar áserinen Qazaqstan terrıtorııasynda naızaǵaı, jańbyr kútiledi. Respýblıka boıynsha jel kúsheıedi. Batys, soltústik-batys, soltústik pen shyǵysta daýyl turyp, burshaq jaýady. Ońtústik-batysta túnde jáne tańerteń tuman túsedi», delingen habarlamada.
Kúndiz Abaı, Jetisý, Almaty, Jambyl, Shyǵys Qazaqstan oblystarynda qatty ystyq saqtalady, Mańǵystaý oblysynyń ońtústiginde de aptap ystyq bolady.
Aqtóbe, Almaty, Ulytaý, Abaı, Qaraǵandy, Aqmola, Shyǵys Qazaqstan, Mańǵystaý, Jetisý, Pavlodar, Atyraý oblystarynda joǵary órt qaýpi bar.
Atyraý, Túrkistan, Jambyl, Qyzylorda, Ulytaý oblystarynda, Almaty oblysynyń soltústik jartysynda, Mańǵystaý oblysynyń soltústiginde, ońtústik-shyǵysynda, ortalyǵynda, Aqtóbe oblysynyń batysynda, ońtústiginde, Batys Qazaqstan, Qostanaı, Qaraǵandy, Abaı oblystarynyń ońtústiginde, Jetisý oblysynyń soltústiginde, shyǵysynda tótenshe órt qaýpi saqtalady.