Batys Qazaqstan oblysy Báıterek aýdanynda moped pen motosıkl soqtyǵysyp qaldy. Oqıǵa saldarynan jasóspirim kóz jumdy, taǵy úsh adam jaraqat aldy, dep habarlaıdy Egemen.kz.
BQO polısııa departamentiniń baspasóz qyzmetinen málim etkendeı, oqıǵa 20 maýsym kúni saǵat 03.30-da aýdan ortalyǵy Peremetnyı aýylynda bolǵan.
Alpha Samurai mopediniń júrgizýshisi rýlge ıe bola almaı, qarsy betke shyǵyp ketip, motosıklmen betpe-bet túıisken. Tıisti saraptamalar taǵaıyndalyp, tergeý amaldary júrgizilip jatyr.
BQO densaýlyq saqtaý basqarmasy baspasóz qyzmetiniń naqtylaýynsha, «Moskvıchı» janar-jaǵarmaı quıý stansasy mańynan shaqyrtý túsken.
«2006, 2007, 2008 jylǵy jasóspirimder túrli jaraqatpen aýdandyq aýrýhanaǵa jetkizilgen. Medısına qyzmetkerleriniń qatysýymen olar oblystyq kópbeıindi balalar aýrýhanasyna jatqyzyldy. Aýyr jaǵdaıda túsken 2006 jylǵy jasóspirim 22 maýsym kúni qaıtys boldy. 2007 jáne 2008 jylǵy jasóspirimderge ambýlatorııalyq em taǵaıyndaldy. 2008 jylǵy jasóspirimge ota jasaldy, jaǵdaıy ortasha aýyr, travmatologııa bólimshesinde emdelip jatyr», dep habarlady vedomstvodan.