QR Memlekettik qyzmet isteri agenttiginiń Atyraý oblysy boıynsha departamenti óz qyzmetinde jeke jáne zańdy tulǵalar men memlekettik qyzmetshilerdiń aryz-shaǵymdaryn qarap, zańnama aıasynda buzýshylyqtardy joıý boıynsha jedel is-sharalar keshenin qabyldap jatyr, dep habarlaıdy Egemen.kz.
Memlekettik qyzmet qaǵıdattaryn júzege asyrý aıasynda shaǵymdardy qaraýmen shektelip qana qoımaı, monıtorıng, taldaý jumystaryn júrgizý arqyly da memlekettik qyzmetshilerdiń quqyqtaryn qorǵaý boıynsha tıisti jumystar atqarylǵan.
Osy tusta, tekserý is-sharalary aıasynda 50-ge jýyq azamattyń buzylǵan quqyqtary qalpyna keltirilip, memlekettik organnyń laýazymdy qyzmetkerleriniń tártiptik jaýapkershilikteri qaraldy.
Departament basshysy E. Ermahanbetovtiń aıtýynsha, tıisti jumys nátıjesinde múgedektigi bar azamattyń buǵan deıin týyndaǵan kedergilerdiń saldarynan júzege asyra almaǵan áleýmettik máselesi sheshilip, QR Eńbek jáne áleýmettik qorǵaý departamentine tirkelý jáne ózge de rásimderdiń júrgizilýi arqyly memleket tarapynan olarǵa kepildik berilgen áleýmettik quqyǵynyń qorǵalýyna septigin tıgizgen.
E. Ermahanbetov osy jumystardyń biregeıin mysal retinde keltirdi.
«Máselen, tıisti memlekettik qyzmetshilerdiń qyzmetterine baǵalaý júrgizilip, 2,5 mıllıon teńge berilgen, 418 126 teńge issapar shyǵyndary men 298 352 teńge eńbekaqy, járdemaqy tólemderiniń ósimpuldary tólense, 2,6 mıllıonnan astam teńge mólsherinde jumystan shyǵý járdemaqylary, negizsiz ústeme jumys úshin 1,4 mıllıonnan astam teńge mólsherinde tólem aqylar ótelgen. Júkteme jumys istegen qyzmetkerge aqysynyń 20%-y kóleminde ústemaqysy tólengen, negizsiz artyq jumysqa tartylǵan 107 qyzmetkerge aqy tólenetin demalys kúnderi berilgen, atqaratyn qyzmetinen zańsyz tómendetilgen 1 qyzmetker laýazymyna qaıtadan ornalastyrylyp, eńbekaqysynyń aıyrmasy ótelgen», dep túsindirdi Departament basshysy.
Sondaı-aq Departamentke júgingen Mahambet aýdany ákimdiginde qyzmet etken 2 qyzmetkerdiń shtattary qysqartylǵan. Osyǵan baılanysty olarǵa 2 mln teńgege jýyq járdemaqy berilip, zańnamamen kepildik berilgen áleýmettik kepildikteri qorǵalǵan.
Departamenttiń nusqamasy negizinde tıisti ýákiletti adamdardyń 30-ǵa jýyq aktileriniń kúshteri joıylǵan.
Odan bólek, sońǵy aılardyń ózinde Atyraý memlekettik múlik jáne jekeshelendirý departamentiniń jáne Memlekettik sáýlet qurylys baqylaý basqarmasynyń qyzmetkerleriniń olarǵa tıesili 400 myń teńgege jýyq qarajat somasy tólenip, zańbuzýshylyǵy boıynsha Aqkól jáne Azǵyr aýyldyq okrýgi ákimderi jazalandy.
Departament basshysy osy syndy sharalar áli de jalǵasatynyn aıtty.