Ýolter Bıngam mamandyǵyn erekshe súıetini sonsha, jasy 100-ge kelse de áli eńbektenip júr.
Ol álemdegi eń qart jýrnalıst atanǵan. Izraılde turady. Ýolter Ekinshi dúnıejúzilik soǵystyń basy-qasynda júrgen, Holokost azabyn kórgen. Jasy men densaýlyǵyna qaramastan ol evreı elindegi Ulttyq radıoda aptalyq habar júrgizedi. Ýolter dúnıe júzindegi eń qart jýrnalıst jáne eń ejelgi radıoshoý júrgizýshisi retinde Gınnestiń rekordtar kitabyna 2 ret engen. «Qol qýsyryp otyrmaımyn. Bir isti aıaqtaǵan bette birden ekinshisine kirisemin. Áli kúnge deıin 2 radıostansada 2 túrli podkast júrgizemin. О́z stýdııam bar. Budan bólek gazet-jýrnaldarǵa únemi maqala jazamyn», deıdi ol.
Toǵyz jastaǵy táýelsiz tilshi
Lama Ábý Jamýstyń jasy toǵyzda. Ol oqıǵa ornynan, tipti qaqtyǵys alańynan habar taratady.
Álemdegi eń jas jýrnalıst Gaza sektorynda turady. Izraıl áskeri men HAMAS arasyndaǵy qaqtyǵys bastalǵanda onyń otbasy Gaza qalasynan Rafahtaǵy bosqyndar lagerine kóshken. Ol qazir Gaza sektoryndaǵy jaǵdaı men palestınalyqtardyń aýyr turmysyn kúnde jarııalaıdy. Instagramyna jazylǵan adamdar sany – 900 myńǵa jýyq. Syrttan qaraǵanda, táýelsiz jýrnalıst dersiń. «Men jýrnalıstıkany jaqsy kóremin. Maǵan kameraǵa qarap sóılegen, adamdarmen tildesken unaıdy. Tezirek beıbitshilik ornasa eken! Úıimiz ben mektebimizge oralyp, alańsyz oınaǵymyz keledi», deıdi ol.
Álemde qansha jýrnalıst bar?
Jýrnalıst qoǵammen tynystaıdy. Halyq pen aqparattyń altyn kópirine aınalǵandar sany kim-kimge de qyzyq shyǵar.
Negizi belgili bir dúnıeniń naqty sanyn aıtý qıyn is. Dese de zertteýshiler jobalap kóripti. «Jýrnalısterdiń halyqaralyq federasııasynda» qyzyq aqparat bar eken. Dúnıe júziniń 146 elinde 600 myńnan astam medıa qyzmetkeri jumys isteıdi. Keıbir derek boıynsha, olardyń 57 paıyzy – er adamdar. Álemdegi jýrnalısterdiń 50 paıyzy gazet-jýrnalda, 23 paıyzy telearnada, 17 paıyzy radıoda jáne 16 paıyzy onlaın salada eken.