Ekibastuz bıligi Ekibastuz jylý elektr ortalyǵynda jóndeý jumystaryn júrgizý úshin nysan aýqymynda tótenshe jaǵdaı jarııalady, dep habarlaıdy Egemen.kz.
«Energy Solutions Center» JShS-de bolǵan tótenshe jaǵdaıǵa baılanysty Ekibastuz qalasyndaǵy nysan aýqymynda tehnogendik sıpattaǵy tótenshe jaǵdaı jarııalansyn», delingen qujatta.
Tótenshe jaǵdaı 1 shildeden bastap kúshine endi. Qala ákimdiginiń baspasóz qyzmetinde túsindirilgendeı, bıylǵy jyldyń maýsym aıynda Ekibastuz JEO «Samuryq-Energo» AQ-nyń arnaıy qurylǵan enshiles kásiporny «Energy Solutions Center» JShS senimgerlik basqarýyna berildi. О́tken jyly stansada negizgi jáne qosalqy jabdyqtarǵa aýqymdy jóndeý jumystary júrgizildi. 10 qazandyq qondyrǵynyń 8-i kúrdeli jóndeýden ótti, taǵy ekeýi bıyl jóndeýmen qamtyldy, bul jylý berý maýsymyndaǵy aqaýlardyń aldyn alýǵa múmkindik berdi.