О́tken jyldan beri О́skemende kópqabatty turǵyn úılerdiń qabyrǵalaryna mándi, maǵynaly sýretter salý dástúrge aınalǵan. Dástúr ǵana emes, eldik turǵyda úlken jumys atqarylyp jatqany anyq.
Jasyryp, jabary joq, О́skemen bertinge deıin Ýst-kamenogorsk bolyp kelgen. Bul sózge aýyldan kelgen qazaqtyń balasyn qoıyp, qalada ósken orys ultynyń tili ázer keler edi. Sol úshin de «Ýstkaman» desip júrgen. Qazaqtar tilderine ıkemdep, О́skemen dep ketken. Sońǵy jyldary ǵana «О́skemen» bolyp jalpy halyqtyń sanasyna sińip ketti. Áp-ádemi ataý. Ol sózdiń túp-tórkinine úńilgen ǵalymdar túrli dálelder men mysaldar keltirgen...
Aıtpaǵymyz, basqa. Sýretshiler birqatar muraldyń mańdaıyna «О́skemen» degen jazýdy japsyryp, ıdeologııalyq baǵyttaǵy jumysty kúsheıtip jatqandaı kórindi. Sońǵy kúnderi ǵana Myzy kóshesindegi úıdiń birine kishkentaı qyzdyń «О́skemen» dep jazyp turǵan sýreti basylsa, Qazaqstan men Qabanbaı kósheleriniń qıylysyndaǵy bes qabatty úıdiń búıirine de erekshe kompozısııa beınelendi. Kúni keshe ǵana ortalyq dańǵyldardyń birindegi úıge ult ustazy – Ahmet Baıtursynulynyń portreti tústi. Aıbarly, qaıratty sýret búgingi urpaqqa úlgi bolatyndaı kórindi. Sýrettiń bir buryshyna ustazdyń «Bizdiń zamanymyz – ótken zamannyń balasy, keler zamannyń – atasy» degen sózi jazylǵan. Ultym degen ultjandy azamatqa oı salatyndaı sóz. Búgingi bala keler zamannyń atasy bola ala ma degen suraq sanany túrtpekteıdi.
Qala ákimdigi basshylarynyń aıtýynsha, mural salý jumysy munymen toqtamaıdy. Salmaqty sýretter áli de birneshe úıdiń qabyrǵasynan kórinis tabady.
О́skemen