Sınoptıkter Qazaqstanda 4, 5 jáne 6 shildede aýa raıy qandaı bolatyny týraly boljam jasady, dep habarlaıdy Egemen.kz.
Aýa raıy boljamyna sáıkes aldaǵy kúnderi Qazaqstan aýmaǵynyń basym bóligi sıklonnyń yqpalynda bolady, onyń saldarynan naızaǵaı oınap, burshaq jaýyp, ekpindi jel soǵady. 5 shildede soltústik-batysta, 5-6 shildede soltústikte, ortalyqta jáne ońtústik-shyǵysta, 4-6 shildede shyǵysta qatty jańbyr kútiledi.
«Tek respýblıkanyń batysy men ońtústik-batysynda basym jaǵdaıda aýa raıy jaýyn-shashynsyz bolady dep kútiledi. Sondaı-aq elimizdiń batysynda kúndiz óte qatty ystyq kútiledi, +33...+43 gradýsqa deıin jetedi», delingen habarlamada.