Slovenııalyqtar súısingen «Spartak»

Spartak» – arnaıy tanys­tyrýdy qajet etpeıtin týyndy. Hachatýrıannyń kemeńger mýzykasy, ańyzǵa aınalǵan baletmeıster Iýrıı Grıgorovıchtiń keremet horeografııasy men dramatýrgııa tereńdigi ony álemdik balet óneri qazynalarynyń biri etti.

Halyqaralyq jazǵy festı­valda joǵary deńgeıdegi óner­ge úırengen slovenııalyq kó­rer­­men qazaqstandyq ártis­ter­di tań­da­nyspen qarsy aldy. «Sankarev dom» mádenı orta­ly­ǵynyń Gallus Hall zaly kelýshilerge lyq toly boldy. Úsh myńnan asa kórermen ártis­terge toqtaýsyz dý qol shapalaq soǵyp, qurmet-qoshemet spektaklder aıaqtalǵannan keıin de kópke deıin tolastamady. Kórermen teatr etýalderi Baq­tııar Adamjan, Áıgerim Beke­taeva, Mádına О́nerbaevanyń tehnı­kalyq she­ber­­likterine, olardyń sahnada min­siz júzege asyra bilgen tereń emo­sııalyq quraýshy bóligine de tańǵaldy.

«Ártisterdiń «Spartak» ba­le­­tiniń barlyq nıýansyn son­­­shalyq anyq ári áserli jet­kiz­­­genine qaıran qaldym. Bul jaı ǵana horeografııa emes, bul árbir ból­shegi maǵynaǵa ıe naǵyz teatr­lyq qoıylym boldy. «Astana Opera» trýppasy qazaqstandyq ba­lettiń álemdik deńgeıde ekenin dá­leldedi. Baqtııar Adamjan men Má­dına О́nerbaeva Spartak pen Frı­gııanyń partııalaryn oryn­dap, keıipkerlerdiń beı­nele­rine ózderiniń biregeı ınterpretasııalaryn qosty, bul Spar­taktyń qaıǵyly kóterilis hıkaıa­syna kórermenderdiń jańa kúsh­pen enýine múmkindik berdi», dedi lıýblıanalyq kórermen Iаnez Novak.

Balet trýppasynyń ónerin Qazaqstannyń eńbek sińirgen qaıratkeri, «Astana Opera» teat­ry­nyń dırıjeri, maestro Abzal Muhıtdınniń basqarýymen Slovenııa fılarmonııasynyń orkestri men áıelder hory súıe­meldedi. Orkestr Hachatýrıan mýzy­kasynyń barlyq qýaty men dramalylyǵyn minsiz jetkizip, qaıtalanbas atmosfera jasady. Áıgili mýzyka ásem áýezdi sahnalar men eýropalyq jáne tól áýenderdiń aralasýy arqyly kompozıtordyń neǵurlym tanymal qyrlaryn kórsetti.

Slovenııa fılarmonııasy orkestriniń birinshi skrıpkasy Mıran Kolbl osyǵan deıin A.Hachatýrıannyń «Spar­tak» bale­tin eshqashan orynda­ma­ǵan­dyqtan, bul jobada óner kór­se­te­tin sátti asyǵa kútkenin atap ótti.

«Maestro Abzal Muhıtdın – ǵa­­jap dırıjer. Sondyqtan biz bar­­­lyǵymyz onyń basqarýymen óner kórsetýge óte qýanyshty bol­­dyq.­ Osy gastroldiń arqa­synda men­ siz­derdiń elderińiz Qazaqstan men­ Astana týraly bile bastadym.­ Kóptegen esimdi bilip, siz­­derde júretin jańa opera­lyq qoıy­lymnyń beınejaz­ba­syn tama­shaladym. Astana­la­ry­­­ńyzdy sýretten kórip, onyń ásem­­­digine sondaı tánti boldym, az­dap tarıhtaryńyzdy da zertteı bas­­­tadym, balet trýppalaryńyz týraly málimetti oqydym. Senimim aq­tal­ǵanyna qýanyshtymyn, bul ke­re­met óner kórsetý, tamasha eki spek­takl boldy», dedi Mıran Kolbl.

Spektaklder qarsańynda Lıýb­lıanadaǵy mádenı ortalyqta qazaq­standyq trýppanyń gast­roldik óner kórsetýine arnalǵan baspasóz jıyny ótip, onda «Astana Opera» balet trýppasynyń kór­­kem­dik jetekshisi Altynaı Asyl­­­­muratova sóz sóıledi. Ol mundaı qoıy­lym­dy balet ártisteriniń sany jet­kilikti balet kompanııasy ǵana ózi­ne ruq­sat ete alatynyn atap ótti.

Al Lıýblıanadaǵy festıval­­dyń dı­rektory ári kórkemdik jetek­­shisi Darko Brlek «Astana Opera» ba­let trýppasyna alǵysyn bil­dirdi.

«Biz Lıýblıanadaǵy festıvalǵa álemdik repertýardaǵy barlyq ýaqyt­taǵy iri jáne anaǵurlym aýqym­dy qoıylym retinde «Spar­tak» baletin shaqyrdyq. «Astana Ope­ra» trýppasynyń osyn­da kel­genine qýanyshtymyn. Bul sal­maqty ujymda árbir ártis­ke zor kóńil bólinedi. Olardyń keı­bir óner kór­se­týlerin Astanada siz­derdiń teatr­laryńyzda tama­sha­laǵan edim. Sol kezde bul ujymnyń deń­geıi óte joǵary ekenin birden túsindim», dedi Darko Brlek.

Aıta keteıik, Lıýblıanadaǵy halyqaralyq jazǵy festıval – Eýropadaǵy bedeldi mádenı oqıǵalardyń biri. Jyl saıyn onyń sahnasynda dúnıejúzinen úzdik ártister, mýzykanttar men trýppalar óner kórsetedi. Osy­naý festıvalǵa qatysý kez kelgen ujymnyń sheberligi men darynynyń joǵary deńgeıde moıyndalǵanyn bildiredi. Kezek­ti ret ózderiniń joǵary kásibı­lik­terin dáleldegen ártister eki el arasyndaǵy mádenı baılanysqa úlken úlesterin qosqany anyq.